ગાંડા બાવળનાં લાકડા ભરીને જતા ટેમ્પાચાલક સાથે બોલાચાલી કરતા રોકવા જતાં બનાવ બન્યો
ગાંધીધામ: સામખિયાળી – રાધનપુર નેશનલ હાઇવે પર આવેલી હોટલ પર આધોઇનાં બે શખ્સો પોતાની ઓળખ ફોરેસ્ટ ઓફિસર તરીકે આપી ટેમ્પા ચાલક સાથે માથાકુટ કરતા તેમના સમજાવવા જતા ફરજ પરના ઓફિસરને બે શખ્સોએ ધમકી આપી તેમના સાથે ગાળાગાળી કરતા તેમના વિરુદ્ધ પોલીસ ચોપડે ગુનો નોંધાયો છે.
મૂળ જામનગરનાં હાલે ભચાઉનાં આધોઇમાં રહેતા અને આધોઇ રોઉન્ડરમાં ફોરેસ્ટ ઓફિસર તરીકે ફરજ બજાવતા કરશનભાઈ દેવાયતભાઈ બડીયાવદરાએ ફરિયાદ નોંધાવી હતી કે, ફરિયાદીને પોતાના ટેમ્પામાં ગાંડા બાવળનાં લાકડા ભરીને જતા મુકેશ કોળી નામના વ્યક્તિનો ફોન આવ્યો હતો. જેમાં તેણે જણાવ્યુ હતુ કે કારમાં આવેલા બે શખ્સો પોતાની ફોરેસ્ટ ઓફિસર તરીકેને ઓળખાણ આપી માથાકુટ કરી રહ્યા છે. જેથી ફરિયાદી પોતાની સાથે વનરક્ષક બ્રિજરાજસિંહ સાથે સામખિયાળી – રાધનપુર હાઇવે પર ઘરાણા સીમમાં આવેલી ભારત હોટલ ખાતે ગયા હતા.