Iskcon In Bangladesh : બાંગ્લાદેશમાં રાજદ્રોહના આરોપમાં હિંદુ સમુદાયના અગ્રણી સંત ચિન્મય કૃષ્ણ દાસ પ્રભુની ધરપકડ બાદ તણાવ વધ્યો છે. આ દરમિયાન ઈસ્કોન બાંગ્લાદેશ તરફથી એક મોટું નિવેદન સામે આવ્યું છે. ઈસ્કોન બાંગ્લાદેશના જનરલ સેક્રેટરી ચારુ ચંદ્રાએ એક નિવેદન જારી કરીને જણાવ્યું હતું કે, ચિન્મય કૃષ્ણ દાસનો હવે ઈસ્કોન સંસ્થા સાથે કોઈ સંબંધ નથી. ઈસ્કોન સંસ્થા ચિન્મય પ્રભુના કોઈપણ નિવેદન કે પ્રતિક્રિયાની જવાબદારી લેતી નથી. તેમણે જણાવ્યું કે, તાજેતરમાં જ ચિન્મય પ્રભુને ઈસ્કોન સંસ્થામાંથી નીકાળી દેવામાં આવ્યાં હતા.