– ભાવનગર ડિસ્ટ્રીકટ અને સુરેન્દ્રનગર ડિસ્ટ્રીકટની ટીમ વચ્ચે ત્રિદિવસીય લીગ મેચ
– ભાવનગર ડિસ્ટ્રીકટની ટીમના ખેલાડીઓએ શાનદાર દેખાવ કરી 10 વિકેટે જીત મેળવી : ભાવનગરની ટીમ હજુ બે લીગ મેચ રમશે
ભાવનગર : સૌરાષ્ટ્ર ક્રિકેટ એસોસિએશન દ્વારા ઇન્ટર ડિસ્ટ્રીકટ જયહિન્દ ટ્રોફીનું આયોજન કરવામાં આવેલ છે, જેમાં ભાવનગર ડિસ્ટ્રીકટ અને સુરેન્દ્રનગર ડિસ્ટ્રીકટની ટીમ વચ્ચે ત્રિદિવસીય ટેસ્ટ ક્રિકેટ મેચ રમાઈ હતી. આ લીગ મેચમાં ભાવનગરના ખેલાડીઓએ શાનદાર દેખાવ કરી સુરેન્દ્રનગરની ટીમ સામે વિજય મેળવ્યો હતો. સુરેન્દ્રનગરના ખેલાડીઓનો દેખાવ નબળો રહ્યો હતો.