– હવે 200મું મિશન પણ બહુ જલદી પૂરું થશે : નવા ચેરમેન વી. નારાયણ
– લોન્ચિંગની 19મી મિનિટે એનવીએસ-02 સેટેલાઇટ તેની જીઓસિન્ક્રોન્સ ટ્રાન્સફર ઓર્બિટમાં ગોઠવાઇ ગયો : દરેક ભારતીય માટે ગૌરવરૂપ દિવસ
બેંગલુરુ/મુંબઇ : આજે ૨૦૨૫ની ૨૯, જાન્યુઆરીએ, બુધવારે, સવારે ૬.૨૩ વાગે ઇન્ડિયન સ્પેસ રિસર્ચ ઓર્ગેનાઇઝેશને(ઇસરો) તેનું ૧૦૦ મું મિશન સફળતાપૂર્વક તરતું મૂકીને અંતરિક્ષ સંશોધન ક્ષેત્રે પોતાની ટેકનિકલ સુવર્ણ સિદ્ધિ પ્રાપ્ત કરી છે. ઇસરોએ આજે તેના ૧૦૦ મા મિશનના સ્વરૂપમાં જીઓસિન્ક્રોનસ સેટેલાઇટ લોન્ચ વેહિકલ-એફ૧૫(જીએસએલવી-એફ ૧૫) પ્રકારના આધુનિક રોકેટ દ્વારા એનવીએસ -૦૨ સેટેલાઇટ શ્રીહરિકોટાના સતીષ ધવન સ્પેસ સ્ટેશન પરથી તરતો મૂક્યો છે.