મુંબઈ : નાણાં પ્રધાન નિર્મલા સીતારામન તથા વાણિજ્ય પ્રધાન પિયુષ ગોયલના આગ્રહ છતાં રિઝર્વ બેન્ક ઓફ ઈન્ડિયા (આરબીઆઈ) દ્વારા હાલના તબક્કે વ્યાજ દરમાં કપાત શકય જણાતો નથી એમ એનાલિસ્ટો માની રહ્યા છે.
ફુગાવો હાલમાં જે રીતે ઊંચો છે તેને જોતા દરેક ગણિતો રિઝર્વ બેન્કને વ્યાજ દરમાં ઘટાડો કરવાની છૂટ નહી આપે એમ એક બેન્કરે જણાવ્યું હતું. ઘરઆંગણે આર્થિક વિકાસ અને ફુગાવાના ડેટાને આધારે રિઝર્વ બેન્ક નિર્ણય લેતી હોય છે.
જ્યાંસુધી ફુગાવો રિઝર્વ બેન્કના ચાર ટકાના ટાર્ગેટ આસપાસ સ્થિર નહીં થાય ત્યાંસુધી વ્યાજ દરમાં ઘટાડો કરવાનું તેની માટે મુશકેલ બની રહેશે.