મમુઆરા બાદ માધાપરની હોટલમાં કાયદાની ઐસી-તૈસી
સ્થાનિક લોકોએ લેખિત ફરિયાદ આપ્યા બાદ બે દિવસ કાર્યવાહી ન કરનાર પોલીસે હોબાળો થતાં રૂદ્રા હોટલમાં દરોડો પાડયો
ભુજ: ભુજ તાલુકાના મમુઆરા ગામ પાસેની હસ્તિક હોટલમાંથી ગેરપ્રવૃતિ પકડાયા બાદ માધાપરમાં રૂદ્ર હોટલમાં ચાલતી ગેરરીતી બાબતે સ્થાનિક લોકોએ એસપી અને માધાપર પોલીસને લેખિત ફરિયાદ આપી હતી. પરંતુ પોલીસ કોઇ જ કાર્યવાહી ન કરતી હોવાથી સ્થાનિક લોકોએ હોબાળો મચાવતાં માધાપર પોલીસે રેડ પાડીને હોટલ રૂદ્રામાંથી શાળામાં ભણતી સગીરા અને ગામના જ એક યુવાનને પકડી પાડી પોલીસ મથકે લઇ આવ્યા હતા. માધાપર પોલીસે હોટલ માલિક સામે જાહેર નામના ભંગની કાર્યવાહી કરી હતી.