સોનાક્ષી સિંહા હાલમાં જ ઝહીર ઈકબાલ સાથેના લગ્નને લઈને ચર્ચામાં હતી. એક્ટ્રેસે 23 જૂને તેના પરિવાર અને નજીકના મિત્રોની હાજરીમાં ઝહીર ઈકબાલ સાથે લગ્ન કર્યા હતા. આ કપલે તેમના લગ્નના ફોટા સોશિયલ મીડિયા પર શેર કર્યા છે, જેની સાથે તેમને કોમેન્ટ સેક્શન બંધ રાખ્યું છે.
આ કપલ અને સિંહા પરિવાર સતત ટ્રોલર્સના નિશાના પર રહ્યો હતો. ટ્રોલિંગ અને ટીકાઓને પાછળ છોડીને, સોનાક્ષી તેના પતિ ઝહીર ઈકબાલ સાથે સુખી લગ્ન જીવન માણી રહી છે. આ દરમિયાન સોનાક્ષી પણ પોપ્યુલર કોમેડી શો ‘ધ ગ્રેટ ઈન્ડિયન કપિલ શો સીઝન 2’માં તેના પતિ ઝહીર સાથે મસ્તી કરતી જોવા મળશે.
ધ ગ્રેટ ઈન્ડિયન કપિલ શોમાં સિંહા પરિવાર
સોનાક્ષી અને ઝહીર ઈકબાલની સાથે એક્ટ્રેસના માતા-પિતા શત્રુઘ્ન સિંહા અને પૂનમ સિંહા પણ ‘ધ ગ્રેટ ઈન્ડિયન કપિલ શો’માં જોવા મળશે. મેકર્સ દ્વારા કપિલ શર્માના શોના આગામી એપિસોડનો પ્રોમો રિલીઝ કરવામાં આવ્યો છે, જેણે નવા એપિસોડને લઈને ફેન્સનું એક્સાઈટમેન્ટ વધારી દીધું છે.
હિરામંડીના પ્રમોશન માટે કપિલ શર્માના શોમાં આવી સોનાક્ષી
કપિલ શર્માના શોનો અપકમિંગ એપિસોડ ‘શાદી સ્પેશિયલ વિથ સિંહા ફેમિલી’ બનવા જઈ રહ્યો છે. ધ ગ્રેટ ઈન્ડિયન કપિલ શોના પ્રોમોની શરૂઆતમાં સોનાક્ષી કહે છે કે જે કોઈ લગ્ન કરવા ઈચ્છે છે તેણે કપિલ શર્માના શોમાં આવવું જોઈએ અને તેને ‘ભૈયા’ કહીને બોલાવવું જોઈએ, આનાથી તેમના લગ્ન થઈ જશે.
છેલ્લી વખત જ્યારે સોનાક્ષી ‘હીરામંડી’ના પ્રમોશન દરમિયાન શોમાં આવી હતી, ત્યારે કપિલે તેને કહ્યું હતું કે તેની ઘણી કો-એક્ટ્રેસ આલિયા ભટ્ટ અને કિયારા અડવાણી હવે પરિણીત છે. તેના જવાબમાં સોનાક્ષીએ કહ્યું કે તે તેના જખમો પર મીઠું ભભરાવી રહ્યો છે કારણ કે તે જાણે છે કે તે લગ્ન કરવા માટે કેટલી એક્સાઈટેડ છે. એક મહિના પછી સોનાક્ષીએ ઝહીર ઈકબાલ સાથે લગ્ન કર્યા.
સોનાક્ષીએ ‘સૈયા’ ઝહીરને ‘ભાઈ’ કપિલની કરાવી મુલાકાત
લેટેસ્ટ પ્રોમો વિશે વાત કરીએ તો, સોનાક્ષી તેના ‘સૈયાં’ ઝહીર ઈકબાલને તેના ‘ભૈયા’ કપિલ શર્મા સાથે મુલાકાત કરાવતી જોવા મળે છે. આ પછી શત્રુઘ્ન સિંહા અને પૂનમ સિંહા પણ આ કપલ સાથે જોડાઈ છે. પ્રોમોમાં શત્રુઘ્ન સિંહા એ ઘટનાને યાદ કરતા જોવા મળે છે જ્યારે ધર્મેન્દ્રએ તેમને એકવાર ‘એક સમયે માત્ર એક જ સ્ત્રીનો પુરુષ’ બનવાનું કહ્યું હતું, આ સાંભળીને બધા હસવા લાગે છે. ઝહીર આનો આનંદ લે છે અને કહે છે કે ‘મને લાગ્યું કે આ એક પારિવારિક એપિસોડ છે. અહીં શું થઈ રહ્યું છે?’
શત્રુઘ્ન સિંહાએ પોતાને નિર્દોષ ગણાવ્યા
પ્રોમોના અંતે શત્રુઘ્ન સિંહા પોતાને ‘નિર્દોષ સજ્જન’ કહે છે, જ્યારે પૂનમ કહે છે કે ‘મને પૂછો.’ આ એપિસોડને લઈને ફેન્સમાં એક્સાઈમેન્ટ જોવા મળી રહ્યું છે. કપિલ શર્માના શોમાં સિંહા પરિવાર અને ઝહીર ઈકબાલ પહેલીવાર નેશનલ ટેલિવિઝન પર સાથે જોવા મળશે. પ્રોમો શેર કરતાં, મેકર્સે લખ્યું છે કે “સૌને ચૂપ કરવા આવી રહ્યો છું… સિંહાઝ.