બેચરાજી તાલુકાના ડોડીવાડા ખાતે રૂબરૂ મુલાકાત લઈ કલેકટર એમ. નાગરાજન અને પ્રાંત અધિકારી ઋતુરાજસિંહ જાદવે સ્વામિત્વ યોજનાના અમલીકરણ માટેનો વાસ્તવિક ચિતાર મેળવ્યો હતો.
ગ્રામીણોની મિલકતો આ યોજનામાં સમાવવામાં આવે તે માટે અનુરોધ કરાયો હતો. કલેકટર અને પ્રાંત અધિકારી સહિતના ઉચ્ચ અધિકારીઓ ડોડીવાડામાં પહોંચતાં સ્થાનિક તંત્ર દોડતું થઈ ગયું હતું. આમ, અધિકારીઓએ સ્વામિત્વ યોજનાના અમલ ઉપર ભાર મુકયો હતો. આ ઉપરાંત, રિસર્વેમાં રહેલી ખામીઓ અંગે પણ કલેકટર અને પ્રાન્ત અધિકારીએ તે વિભાગના અધિકારી આર.બી.રાજપૂતને પણ ઉપસ્થિત રાખ્યા હતા અને રિસર્વેમાં ખેડૂતોને મુશ્કેલીજનક ખામીઓ દૂર કરવા તાકીદ કરવામાં આવી હતી.