શિનોર તાલુકાના સાધલી ગામ ખાતે શ્રી કેળવણી મંડળ સાધલીની વાર્ષિક સાધારણ સભા તા.19-9-24ના રોજ ઉપપ્રમુખ છીતુભાઈ પટેલના અધ્યક્ષસ્થાને મળી હતી. જેમાં એજન્ડાના તમામ કામો સર્વાનુમતે મંજુર કરાયા હતા.
શ્રી કેળવણી મંડળ દ્વાર ભારત વિદ્યાલય હાઇસ્કૂલ તથા એસ.સી.એ.પટેલ આર્ટસ કોલેજનું સંચાલન થાય છે. કોલેજના પ્રિન્સીપાલ ડો.એ.વી.દવે તથા હાઇસ્કૂલના પ્રિન્સીપાલ અશ્વિનભાઈ ગોહિલ દ્વાર કોલેજ તથા હાઇસ્કૂલની પ્રગતિની વિગતવાર માહિતી રજૂ કરી હતી. તાલુકામાં ભારત વિદ્યાલય હાઇસ્કૂલ મોખરાનું સ્થાન ધરાવે છે. જેમા ધો. 5થી 12 ના કુલ 805 વિદ્યાર્થી અભ્યાસ કરી રહ્યા છે. મંડળના મહામંત્રી ઠાકોરભાઈ પટેલ બંને સંસ્થા પર નજર રાખી રહ્યાં છે. શાળા કોલેજનું મકાન બહુ જૂનું હોવાથી મકાન નવું બનાવવાની ચર્ચા વિચારણા મીટીંગમાં કરાઇ હતી.