બોલિવૂડ એક્ટ્રેસ રકુલ પ્રીત સિંહ ગંભીર રીતે ઘાયલ થઈ છે. એવું કહેવામાં આવી રહ્યું છે કે વર્કઆઉટ સેશન દરમિયાન 80 કિલો ડેડલિફ્ટ કરવાને કારણે તેની પીઠમાં ઈજા થઈ છે. તે છેલ્લા એક અઠવાડિયાથી બેડ રેસ્ટ પર છે જો કે ધીરે ધીરે તેની તબિયતમાં સતત સુધારો થઈ રહ્યો છે.
મીડિયા રિપોર્ટ્સ અનુસાર, આ બધુ 5 ઓક્ટોબરની સવારે થયું હતું
મીડિયા રિપોર્ટ્સ અનુસાર, આ બધુ 5 ઓક્ટોબરની સવારે થયું હતું. રકુલ પ્રીત તેનું વર્કઆઉટ કરી રહી હતી. તેણે બેલ્ટ પહેર્યા વિના 80 કિલોની ડેડલિફ્ટ કરી હતી. પીડા હોવા છતાં, તેણીએ કસરત કરવાનું ચાલુ રાખ્યું, જેના કારણે તેની પીઠમાં ઈજા થઈ. ડોક્ટરે રકુલને આરામ કરવાની સલાહ આપી છે.
અભિનેત્રી હાલમાં બેડ રેસ્ટ પર છે
જીમમાં થયેલી આ ઈજા પછી રકુલ સતત બે દિવસ સુધી મસલ રિલેક્સન્ટ્સ લેતી રહી. દવાઓની મદદથી તેણે ‘દે દે પ્યાર દે 2’નું શૂટિંગ ચાલુ રાખ્યું. 3 દિવસ સુધી દુખાવો સહન કર્યા પછી, તે ફિઝિયો પાસે ગઇ અને દર વખતે 3-4 કલાક પછી ફરીથી દુખાવો શરૂ થયો. અભિનેત્રી હાલમાં બેડ રેસ્ટ પર છે અને તેમાંથી સાજા થવાનો પ્રયાસ કરી રહી છે.
પીડા છતાં શૂટિંગ ચાલુ રાખ્યું
રકુલ અજય દેવગન સાથે ‘દે દે પ્યાર દે 2’માં જોવા મળશે. તેનું શૂટિંગ ચાલી રહ્યું છે. અભિનેત્રીએ દવા લીધા પછી શૂટિંગ ચાલુ રાખ્યું. ત્રણ દિવસ સુધી પીડા સહન કર્યા પછી, તે ફિઝિયોથેરાપિસ્ટ પાસે ગઈ. દર ત્રણ-ચાર કલાકે દુખાવો થતો હતો, અભિનેત્રીની બર્થ-ડે પાર્ટીના એક કલાક પહેલા જ તેની હાલત બગડી હતી.
ઇન્જેક્શન આપવું પડ્યું
જણાવવામાં આવી રહ્યું છે કે ઈજાના કારણે રકુલની L4, L5 અને S1 નર્વ્સ બ્લોક થઈ ગઈ છે. તેને દવાની સાથે ઈન્જેક્શન પણ આપવામાં આવ્યા હતા. જોકે, હવે તે ધીરે ધીરે સ્વસ્થ થઈ રહી છે.
આ ફિલ્મોમાં રકુલ જોવા મળશે
2009માં કન્નડ ફિલ્મ ગિલ્લીથી અભિનયની દુનિયામાં પ્રવેશેલી રકુલ 2014માં રિલીઝ થઈ હતી.રકુલની પહેલી હિન્દી ફિલ્મ ‘યારિયાં’ હતી. તે તમિલ ફિલ્મો આયાલાન અને ‘ઇન્ડિયન 2’નો ભાગ છે. આવતા વર્ષે તે ‘ઇન્ડિયન 3’ અને ‘દે દે પ્યાર દે 2’માં પણ જોવા મળશે.