સુરતમાં દિવાળી વેકેશન પુરુ થાય તે પહેલાં પાલિકાના સરથાણા નેચર પાર્ક અને એક્વેરિયમ સુરતીઓ માટે મનોરંજનના હોટ ફેવરીટ ડેસ્ટિનેશન બની ગયા છે. અને દિવાળી વેકેસનના પહેલાં પાંચ દિવસમાં જ પાલિકાના હરવા ફરવાના સ્થળે લોકોની ભીડ ઉમટી હતી. પાલિકાના સરથાણા નેચર પાર્ક અને એક્વેરિયમમાં એક લાખથી વધુ મુલાકાતીઓ આવ્યા હતા અને પાલિકાને દસ લાખથી વધુની આવક થઈ છે.
સુરતમાં દિવાળી વેકેશનમાં સુરતને કર્મભુમી બનાવીને રહેતા અન્ય શહેરના કે અન્ય રાજ્યના લોકો પોતાના વતન તરફ ની વાટ પકડે છે. તો બીજી તરફ અનેક સુરતીઓ ગુજરાત, ભારત કે વિદેશ પ્રવાસે ઉપડી જતા હોય છે. પરંતુ સુરતમાં વેકેશન દરમિયાન રહેતા સુરતીઓ ખાણીપીણી સાથે સાથે વેકેશનની ઉજવણી માટે સરથાણા પાલિકાનો નેચર પાર્ક અને પાલ ખાતે આવેલું એક્વેરિયમ એન્જોયમેન્ટ નું ડેસ્ટિનેશન બની જાય છે.
દિવાળી વેકેશનના પહેલાં ચાર-પાંચ દિવસમાં જ સુભાષચંદ્ર બોઝ એક્વેરિયમ માં દસ હજાર જેટલા મુલાકાતીઓ આવતા પાલિકાને 84 લાખ જેટલી આવક થઈ હતી. તો બીજી તરફ સરથાણાના નેચર પાર્કમાં 28 ઓક્ટોબરથી 5 નવેમ્બર સુધીમાં એક લાખથી વધુ મુલાકાતીઓ આવ્યા હતા જેના કારણે પાલિાકને 10 લાખથી વધુની આવક થઈ હતી.
