મહારાષ્ટ્ર વિધાનસભા ચૂંટણી 2024 માટે આજે મતદાન થયું હતું અને બોલીવુડ સ્ટાર્સ પણ નાગરિક તરીકેની તેમની ફરજ નિભાવીને પોતાનો મત આપ્યો હતો. સુપરસ્ટાર સલમાન ખાને પણ મુંબઈમાં પોતાનો મત આપ્યો છે. સલમાન ખાન કડક સુરક્ષા વચ્ચે પોતાનો મત આપતો જોવા મળ્યો હતો.
સલમાન ખાન ‘સિકંદર’ લુકમાં ગ્રે ટી-શર્ટ, બ્લેક કેપ અને ચશ્મામાં પોલિંગ બૂથ પર પહોંચ્યો હતો. તેને બાંદ્રા પશ્ચિમમાં એક મતદાન કેન્દ્ર પર જઈને પોતાનો મત આપ્યો. આ દરમિયાન તે કડક સુરક્ષા વચ્ચે જોવા મળ્યો હતો. મતદાન કર્યા બાદ સલમાન ખાન મતદાન મથકની બહાર ફુલ સ્વેગમાં નીકળતો જોવા મળ્યો હતો. ભારે ભીડ વચ્ચે, તેણે હાથ ઉંચા કરીને તેના ફેન્સનું અભિવાદન કર્યું અને હસતાં હસતાં કેમેરા તરફ ઈશારો પણ કર્યો.
સલમાન ભારે ભીડ વચ્ચે પોલિંગ બૂથ પર પહોંચ્યો
લોરેન્સ બિશ્નોઈ ગેંગની સતત ધમકીઓ વચ્ચે સલમાન ખાન પણ મુંબઈના પોલિંગ બૂથ પર પહોંચ્યો અને પોતાનો વોટ નાખ્યો. તેમના સિવાય તેમના પિતા સલીમ ખાને પણ પોતાનો મત આપ્યો છે. તમને જણાવી દઈએ કે હાલમાં સલમાનને Y+ સુરક્ષા આપવામાં આવી છે અને તે ભારે ભીડ વચ્ચે સંપૂર્ણ સ્વેગમાં જોવા મળી રહ્યો છે.
બોલીવુડના અનેક સ્ટાર્સે કર્યું વોટિંગ
સલમાન ખાન અને તેના પિતા સલીમ ખાન સિવાય બોલીવુડના ઘણા મોટા સ્ટાર્સે પણ વોટિંગ કર્યું છે. અક્ષય કુમાર, રણબીર કપૂર, ગોવિંદા, કાર્તિક આર્યન, રાજકુમાર રાવ, ફરહાન અખ્તર જેવા સ્ટાર્સે મતદાન કરીને તેમની નાગરિક ફરજ પૂરી કરી. અનન્યા પાંડે પણ તેના માતા-પિતા ચંકી પાંડે અને ભાવના પાંડે સાથે મતદાન કરવા આવી હતી.
ફિલ્મ ‘સિકંદર’ને લઈને સલમાન ખાન ચર્ચામાં
હાલમાં સલમાન ખાન તેની અપકમિંગ ફિલ્મ ‘સિકંદર’ને લઈને ચર્ચામાં છે. તાજેતરમાં સમાચાર આવ્યા હતા કે સુપરસ્ટારે રશ્મિકા મંદાના સાથે ફિલ્મના બે ગીતો શૂટ કર્યા છે, જે ખાસ કરીને ઈદ અને હોળીના તહેવારો પર આધારિત છે. આ એક્શનથી ભરપૂર ફિલ્મ ‘સિકંદર’ને લઈને ફેન્સ ખૂબ જ એક્સાઈટેડ છે. આ ફિલ્મ 2025ની ઈદના અવસર પર થિયેટરોમાં રિલીઝ થશે.