શું તમને ક્યારેય એવું લાગ્યું છે કે તમે બધાની સાથે હોવા છતાં પણ એકલા છો? અથવા શું તમને કોઈ ખાસ કારણ વગર એકલપણું લાગે છે, કંઈ સારું લાગતું નથી અને બધું જ ભાર જેવું લાગવા લાગે છે? જો આવું વારંવાર થતું હોય, તો તેના પર ધ્યાન આપવું ખૂબ જ મહત્વપૂર્ણ છે.
ડિપ્રેશન એ એક ગંભીર રોગ છે જે વ્યક્તિના વિચારોને ધીમે ધીમે નષ્ટ કરી દે છે. તેમજ ડિપ્રેશન તમારા વર્તન પર પણ અસર કરે છે. પરંતુ સારી વાત એ છે કે જો તેના શરૂઆતના લક્ષણો ઓળખી લેવામાં આવે, તો તેનો સમયસર સામનો કરી શકાય છે.
ડિપ્રેશન એ એક ગંભીર રોગ છે જે વ્યક્તિના વિચારોને ધીમે ધીમે નષ્ટ કરી દે છે. તેમજ ડિપ્રેશન તમારા વર્તન પર પણ અસર કરે છે.
ઉદાસી અને નિરાશાની સતત લાગણી
વ્યક્તિને હંમેશા એવું લાગે છે કે હવે કોઈ આશા બાકી નથી. જે કામો તેને પહેલા ખુશી આપતા હતા, હવે તે કામ કરવાનું મન થતું નથી.
ઊંઘની સમસ્યાઓ
કેટલાક લોકો ખૂબ ઊંઘવા લાગે છે, જ્યારે કેટલાકને ઊંઘ ઉડી જાય છે. વારંવાર જાગવું પણ એક નિશાની હોઈ શકે છે.
ભૂખ અને વજનમાં ફેરફાર
ક્યારેક ભૂખ સંપૂર્ણપણે ગાયબ થઈ જાય છે, અને ક્યારેક વધુ પડતું ખાવાની ઇચ્છા થાય છે, જેના કારણે વજન ઝડપથી ઘટે છે અથવા વધે છે.
અસામાન્ય વર્તન
ડિપ્રેશનથી પીડિત વ્યક્તિ દરેક વસ્તુ માટે પોતાને દોષ આપવા લાગે છે અને પોતાને નકામી માને છે.
એકાગ્રતામાં ઘટાડો
નાની નાની બાબતો પણ ભારે લાગે છે. ભણવું, કામ કરવું કે વાત કરવી મુશ્કેલ બની જાય છે.
એકલા રહેવાનું પસંદ કરે છે
ડિપ્રેશનથી પીડિત વ્યક્તિ પોતાને લોકોથી અલગ રાખવાનું શરૂ કરે છે, ન તો મિત્રોને મળવા માગે છે કે ન તો પરિવાર સાથે વાત કરવા માગે છે. તે એકલા રહેવાનું પસંદ કરે છે.
જ્યારે વ્યક્તિ નિરાશ હોય ત્યારે શું કરવું જોઈએ?
- તમારા પરિવારના લોકો સાથે વાત કરો, એકલા ન રહો
- યોગ, ધ્યાન અને નિયમિત કસરતનો કરો
- સારો આહાર લો અને તમારી ઊંઘનું ધ્યાન રાખો
- જરૂર પડે તો ડૉક્ટર કે કાઉન્સેલરની સલાહ લો
ડિપ્રેશન એક એવી ગંભીર સમસ્યા છે જે દેખાતી નથી પણ તે અંદરથી તમને તોડી નાખે છે .જો તમે અથવા તમારા નજીકના કોઈ વ્યક્તિ ઉપર જણાવેલ લક્ષણોનો સામનો કરી રહ્યા છો, તો તેને અવગણશો નહીં. સમયસર મદદ લેવી એ માત્ર મહત્વપૂર્ણ નથી, પરંતુ જીવનને પાટા પર લાવવાનું પ્રથમ પગલું પણ છે.
Disclaimer: આ માહિતી માત્ર જાણકારી માટે છે, સંદેશ તેની પુષ્ટિ કરતું નથી. કોઈપણ ઉપચાર કરતાં પહેલા નિષ્ણાંતની સલાહ લેવી આવશ્યક છે.