અભિનેત્રી કાશ્મીરા શાહનો અકસ્માત થયો છે. તેણે પોતાની લોહીવાળી તસવીરો ઈન્સ્ટાગ્રામ પર શેર કરી છે. લોહીથી લથપથ કપડાં જોઈને બધા ચોંકી ગયા છે અને તેમની ખબર-અંતર પૂછે છે. પતિ કૃષ્ણા અભિષેકે પણ ચિંતા વ્યક્ત કરી હતી. ઈન્ડસ્ટ્રીના ઘણા લોકોએ તેમની તબિયત વિશે પણ પૂછપરછ કરી છે. કાશ્મીરા સાથે આ ઘટના કેવી રીતે બની તે વિશે વધુ માહિતી નથી.
કાશ્મીરા હાલ LA એટલે કે લોસ એન્જલસમાં છે. તેમના બંને પુત્રો રિયાન અને ક્રિશંગ તેમના પિતા કૃષ્ણા અભિષેક સાથે 7મી નવેમ્બરે ત્યાંથી મુંબઈ આવ્યા હતા. ત્યાર બાદ કપલે ઘણી રીલ શેર કરી હતી. જ્યાં કોમેડિયન-એક્ટર પોતાના પુત્રો સાથે મસ્તી કરતા જોવા મળ્યા હતા અને કાશ્મીરા તેને મિસ કરી રહી હતી. હવે અભિનેત્રીની આ પોસ્ટે બધાને ચોંકાવી દીધા છે.
કાશ્મીરા શાહને નડ્યો અકસ્માત
લોહીના ડાઘવાળા કપડા શેર કરતી વખતે કાશ્મીરા શાહે કેપ્શનમાં લખ્યું, ‘મને બચાવવા માટે ભગવાનનો આભાર. તે ખૂબ જ ભયંકર ઘટના હતી. કંઈક મોટું થવાનું હતું. નાનામાં પતી ગયુ. આશા છે કે કોઈ ઉઝરડા નહીં રહે. દરેક દિવસ ક્ષણમાં જીવો. એક વખત ગયેલો સમય ફરી પાછો આવતો નથી. આજે હું મારા પરિવારને ખૂબ જ મિસ કરી રહી છું. કૃષ્ણા અભિષેકની સાથે તેણે પોતાના બંને પુત્રોના નામ પણ લખ્યા હતા.
સેલેબ્સે કાશ્મીરા શાહના ખબર અંતર પુછ્યા
આ પોસ્ટ પર રાજેશ ખટ્ટરે પૂછ્યું, ‘હે ભગવાન, કાશ્મીરાને શું થયું?’ આશા છે કે બધા સારા હશે. કૃષ્ણા અભિષેકે લખ્યું, ‘ભગવાનની કૃપાથી તે હવે ઠીક છે.’ કિશ્વર મર્ચન્ટે લખ્યું, ‘હે ભગવાન, તમે ઠીક છો?’ દીપશિખા નાગપાલે લખ્યું, ‘આ શું છે??? હે ભગવાન તમે જલ્દી પાછા આવો. પૂજા ભટ્ટે લખ્યું, ‘ઓહ માય ગોડ. શું થયું કેશ? ત્યાં તમારી સંભાળ રાખવામાં આવે છે?’ તનાઝ ઈરાનીએ કહ્યું, ‘હે ભગવાન, આ બહુ ડરામણું છે.’ મને આશા છે કે તમે હવે ઠીક હશો.