ઈઝરાયલના પીએમ બેંઝામિન નેતન્યાહૂ હિઝબુલ્લાના ટાર્ગેટ પર છે. કેસારિયામાં તેઓના ઘર પર વધુ એક હુમલો કરાયો છે. તેઓના કેમ્પસમાં બે ફલેયર ફેંકવામાં આવ્યા હતા. હુમલા સમયે નેતન્યાહૂ ઘરે નહોતા. પોલીસ અને ગુપ્તચર વિભાગ અને શિન બેટ તપાસમાં જોડાઈ ગઈ છે. નેતન્યાહૂના ઘરે સતત હુમલાથી ઈઝરાયલની ચિંતા વધી ગઈ છે.
નિવેદનમાં એં કહેવામાં આવ્યું છે કે ઘટના સમયે વડાપ્રધાન અને તેમનો પરિવાર ઘરે ન હતો. આ અંગે સઘન તપાસ શરૂ કરવામાં આવી છે. આ ગંભીર બાબત છે. ઈઝરાયલના પ્રમુખ આઈઝેક હરઝોગે આ ઘટનાને વખોડી કાઢી હતી અને જાહેર ક્ષેત્રમાં હિંસા વધવા સામે ચેતવણી આપી હતી. રાષ્ટ્રપતિએ કહ્યું કે આ મામલે તાત્કાલિક તપાસની જરૂર છે. જવાબદારો સામે વહેલી તકે કાર્યવાહી કરો.
ગત 23 સપ્ટેમ્બરથી, ઈઝરાયલે લેબનોનમાં હિઝબુલ્લાહના ઠેકાણાઓ પર બોમ્બમારો વધાર્યો છે. ઈઝરાયલની સેના સતત હિઝબુલ્લાહના સ્થાનોને નષ્ટ કરી રહી છે. ઈઝરાયલની સેના હવે માત્ર લેબેનોનમાં જ આતંક મચાવી રહી નથી પરંતુ સીરિયામાં પણ મોટા પાયે હુમલા કરી રહી છે. ઈઝરાયલની સેના લેબનોન સાથેની સીરિયા સરહદ પર મોટા પાયે હુમલા કરી રહી છે અને પુલ અને રસ્તાઓને નષ્ટ કરી રહી છે.
હિઝબુલ્લાહ સતત ઈઝરાયલને નિશાન બનાવી રહ્યું છે
આ તે પુલ અને રસ્તાઓ છે જેના દ્વારા હિઝબુલ્લાહને શસ્ત્રો પુરા પાડવામાં આવતા હતા. જે ઈમારતને આઈડીએફ દ્વારા નિશાન બનાવવામાં આવી રહી છે તે ઈઝરાયલ હુમલામાં નષ્ટ થઈ રહી છે. ઈઝરાયલની મિસાઇલ આ રીતે રહેણાંક વિસ્તારમાં નિશાન પર પ્રહાર કરે છે અને આખી ઇમારત જમીન પર ધસી જાય છે. હસન નસરાલ્લાહના મોત બાદ હિઝબુલ્લાહ પહેલા કરતાં વધુ આક્રમક બની ગયું છે. તે સતત ઈઝરાયલને પણ ટાર્ગેટ બનાવી રહ્યો છે.
હિઝબુલ્લાહના ટાર્ગેટ પર ઈઝરાયલના પીએમ નેતન્યાહૂ
આ હુમલા પાછળ કોનો હાથ હતો તે અંગે હાલ માહિતી બહાર આવી નથી? ગત મહિને (19 ઓક્ટોબર) પણ ઇઝરાયલના પીએમના નિવાસસ્થાન પર ડ્રોન હુમલો થયો હતો. જો કે, ઈરાન સમર્થિત આતંકવાદી સંગઠન હિઝબુલ્લાહે આ હુમલાનો દાવો કર્યો હતો. તે સમયે પીએમ નેતન્યાહૂએ હિઝબુલ્લા પર તેમની અને તેમની પત્નીની હત્યા કરવાનો પ્રયાસ કરવાનો આરોપ લગાવ્યો હતો.