વડોદરા.પાણીગેટ બાવામાનપુરામાં જૂના ઝઘડાની અદાવતે ચાકૂ અને લોખંડની પાઇપથી હુમલો કરવામાં આવ્યો હતો. જેમાં બે વ્યક્તિઓને ઇજા પહોંચી હતી. પાણીગેટ પોલીસે બંને પક્ષની સામસામે ફરિયાદ નોંધી વધુ તપાસ હાથ ધરી છે.
પાણીગેટમાં બાવામાનપુરા મસ્જિદ પાસે રહેતા યાકુબ ઉર્ફે કાલીઓ સિકંદરશા દિવાને પાણીગેટ પોલીસ સ્ટેશનમાં ફરિયાદ નોંધાવી જણાવ્યું છે કે ગઈકાલે રાત્રે ૧૦ વાગ્યે મારા પરિવારજનો માટે શાક લેવા માટે મારે પાણીગેટ લીમવાલી મસ્જિદ જવાનું હતું. મારી પાસે બાઈક ન હોય મારા મિત્ર નઈમ શેખને ફોન કરીને બોલાવતા તે આવ્યો હતો.