આ દિવસોમાં ભારતીય ટીમનો સ્ટાર ઓલરાઉન્ડર ટીમ ઈન્ડિયામાંથી બહાર થયા બાદ રેડ બોલ ક્રિકેટ માટે જોરદાર તૈયારી કરી રહ્યો છે. બાંગ્લાદેશ સાથે રમાઈ રહેલી ટેસ્ટ શ્રેણીની પ્રથમ મેચ માટે પંડ્યાની ભારતીય ટીમમાં પસંદગી કરવામાં આવી ન હતી. નતાશાથી છૂટાછેડા લીધા બાદ હવે હાર્દિક પંડ્યાએ પહેલીવાર કંઈક કર્યું છે, જેનો વીડિયો સામે આવ્યો છે. આ વીડિયો જોયા બાદ ફેન્સ પણ પોતપોતાની પ્રતિક્રિયા આપી રહ્યા છે.
હાર્દિક અને નતાશા થયા અલગ
હાર્દિક પંડ્યા અને નતાશાએ વર્ષ 2020માં એકબીજા સાથે લગ્ન કર્યા હતા. ચાર વર્ષ પછી બંનેએ છૂટાછેડા લેવાનું અને એકબીજાથી અલગ રહેવાનું નક્કી કર્યું. બંનેને એક પુત્ર પણ છે. છૂટાછેડા પછી, નતાશા તેના પુત્ર અગસ્ત્ય સાથે તેના દેશ સર્બિયા ગઈ હતી, પરંતુ થોડા દિવસો પહેલા નતાશા મુંબઈ પાછી આવી હતી. અગસ્ત્ય પણ તેની સાથે પાછો ફર્યો છે, જે થોડા દિવસો પહેલા હાર્દિક પંડ્યાના ઘરે જોવા મળ્યો હતો. જોકે તે સમયે તેઓ તેમના પુત્રને મળી શક્યો ન હતા.
છૂટાછેડા બાદ હાર્દિક પ્રથમ વખત પુત્રને મળ્યો
હવે હાર્દિક પંડ્યા નતાશાથી છૂટાછેડા લીધા બાદ પ્રથમ વખત તેના પુત્ર અગસ્ત્યને મળ્યો છે. જેનો વીડિયો હાલ સોશિયલ મીડિયા પર ખૂબ જ ઝડપથી વાયરલ થઈ રહ્યો છે. આ વીડિયોમાં હાર્દિક તેના પુત્ર અગસ્ત્ય સાથે ઘણો ખુશ જોવા મળી રહ્યો છે. હાર્દિક તેના પુત્ર અગસ્ત્યને ખોળામાં લઈને કાર તરફ જતો જોવા મળે છે. હાર્દિકના આ લેટેસ્ટ વીડિયો પર ફેન્સની પ્રતિક્રિયાઓ પણ સામે આવી રહી છે.
ટીમ ઈન્ડિયામાંથી બહાર છે હાર્દિક
હાર્દિક પંડ્યા હાલમાં ટીમ ઈન્ડિયાની બહાર છે. હાર્દિક છેલ્લે શ્રીલંકા પ્રવાસ પર રમતા જોવા મળ્યો હતો. આ પ્રવાસમાં પણ પંડ્યા માત્ર T20 સિરીઝમાં જ રમતો જોવા મળ્યો હતો. હવે હાર્દિક રેડ બોલ ક્રિકેટમાં પરત ફરવાની તૈયારી કરી રહ્યો છે.