- હેકર્સ એવા એકાઉન્ટને ટાર્ગેટ કરે છે જે યુઝર્સ વધારે લોકપ્રિયતા ધરાવતા હોય
- ઘણા કન્ટેન્ટ સર્જકો હેકર્સની આ યુક્તિમાંથી પસાર થઈ ચૂક્યા છે
- ગૂગલે યુઝર્સની સુરક્ષા માટે એક નવું ટ્રબલશૂટિંગ ટૂલ તૈયાર કર્યું
તમે વર્ષોથી જે યુટ્યુબ એકાઉન્ટ પર મહેનત કરી રહ્યા હોવ તે અકાઉન્ટ અચાનક જ હેક થઈ જાય, તો શું કરશો તમે? મોટાભાગે હેકર્સ એવા જ એકાઉન્ટને ટાર્ગેટ કરે છે જે યુઝર્સ વધારે લોકપ્રિયતા ધરાવતા હોય. સાથે જ જેમના સબસ્ક્રાઈબર પણ વધારે હોય.
હેકર્સ તમારું એકાઉન્ટ હેક કરીને શું કરે છે?
હેકર્સ તમારા એકાઉન્ટને પહેલા કંટ્રોલ કરે છે અને પછી સૌથી પહેલા તેઓ એકાઉન્ટનું નામ બદલી નાખે છે અને ત્યારબાદ તે તમારી ડિટેલ પણ કાઢી નાખે છે. તમને કદાચ આ કોઈ સ્વપ્ન જેવુ લાગશે પરંતુ વાસ્તવમાં ઘણા કન્ટેન્ટ સર્જકો હેકર્સની આ યુક્તિમાંથી પસાર થઈ ચૂક્યા છે.
ગૂગલે યુટ્યુબમાં એક મજબૂત સુરક્ષા ફીચર ઉમેર્યું
કન્ટેન્ટ ક્રિએટર્સને આવી સમસ્યાઓથી બચાવવા માટે ગૂગલે યુટ્યુબમાં એક મજબૂત સુરક્ષા ફીચર ઉમેર્યું છે. ગૂગલે યુઝર્સની સુરક્ષા માટે એક નવું ટ્રબલશૂટિંગ ટૂલ તૈયાર કર્યું છે, જે ખાસ કરીને એવા લોકો માટે તૈયાર કરવામાં આવ્યું છે જેઓ સખત કન્ટેન્ટ બનાવે છે અને જેમને લાગે છે કે તેમનું એકાઉન્ટ હેક થઈ ગયું છે.
YouTube હેલ્પ સેન્ટર પરથી આ AI ટૂલને ઍક્સેસ કરી શકો
જો તમે માનતા હોવ કે તમારું એકાઉન્ટ હેક કરવામાં આવ્યું છે, તો તમે YouTube હેલ્પ સેન્ટર પરથી આ AI ટૂલને ઍક્સેસ કરી શકો છો. આ સાધન વપરાશકર્તા મૈત્રીપૂર્ણ છે અને તમને પુનઃપ્રાપ્તિ પ્રક્રિયામાં કેવી રીતે આગળ વધવું તે અંગે પગલું દ્વારા માર્ગદર્શન આપે છે.
@TeamYouTube ની મદદથી તમે એકાઉન્ટ રિકવર કરી શકશો
આ સાધન તમને તમારા Google લૉગિનને સુરક્ષિત રાખવામાં મદદ કરે છે, જે એકાઉન્ટ પર ફરીથી નિયંત્રણ મેળવવાની ચાવી છે. આ પછી, જો હેકર તમારા એકાઉન્ટનું નામ બદલી નાખે છે અથવા સામગ્રીને કાઢી નાખે છે, તો તે તેને પાછું લાવવામાં મદદ કરે છે. તમે X (Twitter) પર @TeamYouTube ની મદદ લઈ શકો છો. ગૂગલનું આ નવું AI ટૂલ યુટ્યુબ કોમ્યુનિટી એટલે કે યુઝર્સની સુરક્ષા તરફ એક મોટું પગલું છે.