Dhanteras 2024 : હિંદુ ધર્મના પવિત્ર તહેવાર એવા દિવાળીની શરુઆત ધનતેરસથી જ થઈ જાય છે. આ વખતે ધનતેરસ 29 ઑક્ટોબર 2024ના રોજ મનાવવામાં આવશે. ધનતેરસ નામ ‘ધન’ અને ‘તેરસ’ પરથી આપવામાં આવ્યું છે, જેમાં ધન એટલે સંપત્તિ-સમૃદ્ધિ અને તેરસનો અર્થ હિન્દુ કેલેન્ડરની 13મી તિથિ છે. આ દિવસે સ્વાસ્થ્યના દેવતા ભગવાન ધનવંતરીની પૂજા કરવામાં આવે છે. જેથી વ્યક્તિ આખું વર્ષ રોગોથી મુક્ત અને નિરોગી રહે છે.
શાસ્ત્રોમાં સારા સ્વાસ્થ્યને જ અસલી સંપત્તિ માનવામાં આવે છે. જો કે, ધનતેરસના દિવસે કુબેર દેવ અને દેવી લક્ષ્મીની પૂજા કરવાની પણ પરંપરા છે. આ વખતે ધનતેરસ પર ધનમાં વૃદ્ધિનો દુર્લભ સંયોગ જોવા મળી રહ્યો છે, આવી સ્થિતિમાં જુઓ આ દિવસે કયા કયા શુભ કાર્યો કરી શકાય છે.
100 વર્ષ પછી ધનતેરસ પર દુર્લભ સંયોગ
આ વખતે ધનતેરસના દિવસે 100 વર્ષ પછી એક દુર્લભ સંયોગ બનવા જઈ રહ્યો છે, ધનતેરસના દિવસે એટલે કે ત્રિગ્રહી યોગ, ત્રિપુષ્કર યોગ, ઇન્દ્ર યોગ, લક્ષ્મી નારાયણ યોગ, શશ મહાપુરુષ રાજયોગ, કુલ 5 શુભ સંયોગો બની રહ્યા છે. આવી સ્થિતિમાં તમને પૂજા અને ખરીદીનો વિશેષ લાભ મળશે.
ઇન્દ્ર યોગ
28 ઑક્ટોબર 2024, સવારે 6.48 – 29 ઑક્ટોબર 2024, સવારેના 07.48 સુધી
ત્રિપુષ્કર યોગ
29 ઑક્ટોબર 2024, સવારે 6.31-10.31
લક્ષ્મી-નારાયણ યોગ –
ધનતેરસના દિવસે વૃશ્ચિક રાશિમાં શુક્ર અને બુધ એક સાથે બિરાજમાન રહેશે, આ સમયે લક્ષ્મી નારાયણ યોગ બનશે. આ યોગના પ્રભાવથી ધનની સાથે સાથે બુદ્ધિમાં પણ વધારો થાય છે.
શશ મહાપુરુષ રાજયોગ
ધનતેરસના દિવસે શનિ પોતાની મૂળ ત્રિકોણ રાશિ કુંભ રાશિમાં હશે, જેના કારણે શશ મહાપુરુષ રાજયોગ બની રહ્યો છે. આવી સ્થિતિમાં તમને શનિની કૃપા પણ મળશે.
ધનતેરસ પર કયું શુભ કાર્ય કરવું
- ધનતેરસ પર સોના, ચાંદી કે વાસણોની ખરીદી કરવી જોઈએ. તેનાથી ઘરમાં બરકત રહે છે.
- ધનતેરસના દિવસે આરોગ્યના દેવતા ભગવાન ધનવંતરી અને માતા લક્ષ્મીની પૂજા કરવી જોઈએ. શાસ્ત્રો પણ કહે છે કે ‘શરીર માધ્યમ ખલુ ધર્મ સાધનમ’ એટલે કે ધર્મનું સાધન પણ સ્વસ્થ શરીર છે, તેથી જ આરોગ્ય રુપી સંપત્તિ માટે ભગવાન ધનવંતરીની પૂજા કરવામાં આવે છે.
- ઘરના મુખ્ય દરવાજા પર ભગવાન યમદેવનું ધ્યાન કર્યા પછી દક્ષિણ દિશામાં દીવો પ્રગટાવવો જોઈએ. જેના કારણે અકાળે મૃત્યુનો ભય રહેતો નથી.
- ધનતેરસ પર વાહન, મિલકત, મકાન, હિસાબ-કિતાબ, જમીન-મકાન, ઝવેરાત વગેરેની ખરીદી કરવાથી ઘરમાં દેવી લક્ષ્મીનો વાસ થાય છે.
- જો તમે ધનતેરસ પર મોંઘી વસ્તુઓ ખરીદી શકતા નથી, તો તમારે દક્ષિણાવર્તી શંખ, મીઠું, ધાણા અને ધાતુના વાસણો ખરીદવા જોઈએ. તેનાથી સુખ, સૌભાગ્ય અને સારું સ્વાસ્થ્ય મળે છે.
ધનતેરસના દિવસે ક્યારે ખરીદી કરવી
29 ઑક્ટોબર, મંગળવારના રોજ સવારે 10.31 વાગ્યાથી 30 ઑક્ટોબરના રોજ સવારે 6.32 વાગ્યા સુધી શુભ સમય રહેશે. આખો દિવસ ખરીદી માટે શુભ ગણાય છે.