એનેકે બોશ્વના અણનમ 74 રનની મદદથી સાઉથ આફ્રિકાએ A વખતની ચેમ્પિયન ઓસ્ટ્રેલિયાને આઠ વિકેટે પરાજય આપીને આઇસીસી વિમેન્સ ટી20 વર્લ્ડ કપની ફાઇનલમાં પ્રવેશ કરી લીધો હતો. ઓસ્ટ્રેલિયાએ બેથ મૂનીના 44 તથા એલિસ પેરીના 31 રનની મદદથી પાંચ વિકેટે 134 રન બનાવ્યા હતા.
આફ્રિકન ટીમ માટે અયબોંગા ખાકાએ 24 રનમાં બે વિકેટ ખેરવી હતી. ટોસ જીતીને પ્રથમ ફિલ્ડિંગ કરનાર સાઉથ આફ્રિકન ટીમે 17.2 ઓવરમાં બે વિકેટે 135 રન બનાવીને મેચ જીતી લીધી હતી. એનેકે બોશ્વે 48 બોલની ઇનિંગમાં આઠ બાઉન્ડ્રી અને એક સિક્સર ફટકારી હતી. ઓપનર તથા સુકાની લૌરા વોલવાર્ડે 37 બોલમાં 42 રનનું યોગદાન આપ્યું હતું.