– સુરત લગ્નમાં હાજરી આપી પરિવાર પરત ફરતો હતો, પત્નીનું મોતઃ પિતા-પુત્રને ઈજા
– હાથબના શખ્સની માલિકીના ડમ્પરમાં આ જ ગામનો ડ્રાઈવર ગેરકાયદે રેતી ચોરી લઈ જતો હતો : ડમ્પર બંધ પડતાં હાઈ-વે પર મુકી દિધું હતું : અલંગ પીઆઈ
ભાવનગર : ભાવનગરના ત્રાપજ ગામ નજીક ઓવરબ્રીજ પાસે સર્જાયેલા અકસ્માતમાં વાઘનગરના પિતા-પુત્રને ઈજા પહોંચી હતી. જ્યારે તેમની સાથે રહેલા તેમના પત્નીનું મોત થયું છે. આ બનાવમાં મુસાફરે ડમ્પરના અજાણ્યા ચાલક વિરૂદ્ધ મનુષ્યવધ સહિતની કલમ અન્વયે અલંગ પોલીસ મથકમાં ફરિયાદ નોંધાવી હતી. જો કે, પોલીસે ગણતરીના કલાકોમાં હાથબ ગામે રહેતાં ડ્રાઈવરને ઝડપી પાડયો હતો.