નવી કાર ખરીદતા પહેલા કારમાં ઉપલબ્ધ ફિચર્સને સમજવા જરૂરી છે, શું તમે જાણો છો કે ગાડીઓમાં જોવા મળતુ Hill Hold Control ફીચર શું કામ કરે છે? ડ્રાઇવિંગ કરતી વખતે આ ફીચર કેવી રીતે મદદ કરે છે નવી કાર ખરીદતા પહેલા એ સમજવું જરૂરી છે કે હિલ હોલ્ડ કંટ્રોલ સિસ્ટમ ખરેખર ઉપયોગી ફિચર છે કે નહીં? 10 લાખ રૂપિયા સુધીના બજેટમાં તમને આ ફીચર સાથે કઈ કઈ ગાડીઓમાં મળશે. વાહનો અદ્યતન સલામતી સુવિધાઓ સાથે આવે છે અને આમાંની એક વિશેષતા હિલ હોલ્ડ કંટ્રોલ છે.
જાણો શું છે હિલ હોલ્ડ કંટ્રોલ?
હિલ હોલ્ડ કંટ્રોલને Hill Assist તરીકે પણ ઓળખવામાં આવે છે. આ સુવિધા ડ્રાઇવરને પર્વતીય વિસ્તારોમાં વાહનના રોલબેકને ટાળવામાં મદદ કરે છે. માત્ર પહાડી વિસ્તારોમાં જ નહીં પણ શહેરોમાં પણ ફ્લાયઓવર પર ચઢતી વખતે જામમાં અટવાઈ જવું અને પછી બ્રેક મારતા જ જામ ક્લિયર થતા જેવી તમે બ્રેક પરથી પગ હટાવો છો ત્યારે આ ફીચર કારને પાછળ રોલબેક થવા દેતું નથી, જે પાછળ પાર્ક કરેલી કાર સાથે અથડાવાનું જોખમ ઘટાડે છે.
આ ફિચર કામ કેવી રીતે કરે છે?
જે વાહનોમાં આ સુવિધા નથી, તે વાહન ચાલક બ્રેક પરથી પગ ઉઠાવતાની સાથે જ પાછળની તરફ સરકવા લાગે છે. પરંતુ જે કારમાં આ સિસ્ટમ હોય છે તેમાં બ્રેકિંગ સિસ્ટમમાં થોડી સેકન્ડ માટે દબાણ સર્જાય છે જેના કારણે કાર રોલબેક થતી નથી. અને રેસ લગાવતાની સાથે જ પ્રેશર છૂટી જાય છે અને કાર આગળ વધે છે. આ એક ઉપયોગી ફિચર છે જે તમારી કારને પાછળથી આવતી કાર સાથે અથડાતા અટકાવવામાં મદદ કરે છે, ખાસ કરીને જ્યારે તમારી કાર ફ્લાયઓવર પર ચઢતી વખતે બંધ થઈ જાય.
Hill Assist Cars under 10 Lakh
10 લાખ રૂપિયા સુધીના બજેટમાં તમને આ સુવિધા Renault Kiger, Maruti Suzuki Swift, Hyundai Venue અને Tata Nexon જેવી ગાડીઓમાં મળી જશે.