Bhavnagar News: ગુજરાતના ભાવનગરના રસ્તા પર 500 રૂપિયાની નકલી નોટ રઝળતી જોવા મળી હતી. ભાવનગરના નવાપરા વિસ્તારમાંથી રોયલ કોમ્પ્લેક્ષની પાછળની સાઈડથી કચરાના ઢગલા પાસે 500 રૂપિયાની નકલી નોટનો જથ્થો રસ્તા પર રઝળતી જોવા મળી હતી. પહેલી નજરે જોતા કોઈપણ વ્યક્તિ આ નોટને અસલી સમજી બેસે તેવી જ દેખાતી હતી. જોકે, રસ્તા પરથી આટલી બધી રઝળતી નોટો જોઈને લોકો પણ ચોંકી ગયાં હતાં. આ રસ્તા પર રઝળતી નકલી નોટોને લઈને ભાવનગર પોલીસે હાલ તપાસ શરૂ કરી છે.