– 28 માંથી 20 બેઠકમાં ભાજપ, 7 માં કોંગ્રેસ અને એક બેઠક પર અપક્ષની જીત
– ભાજપ-કોંગ્રેસ બન્નેએ શહેરના રાજમાર્ગો પર વિજય સરઘસ કાઢી વિજયોત્સવ મનાવ્યો, 2 વર્ષથી ચાલતાં વહિવટદાર શાસનનો અંત આવ્યો
ધંધુકા : અમદાવાદ જિલ્લાની ધંધુકા નગરપાલિકાની ચૂંટણીમાં સ્પષ્ટ બહુમતીથી ભારતીય જનતા પાર્ટીનો વિજય થયો છે. ધંધુકા નગરપાલિકાના ૭ વોર્ડની ૨૮ બેઠકોમાં ૨૦ બેઠકોમાં ભાજપ અને ૭ બેઠકોમાં કોંગ્રેસ અને ૧ બેઠક ઉપર ભાજપના બળવાખોર અપક્ષ ઉમેદવારની જીત થઇ છે. આ સાથે છેલ્લાં બે વર્ષથી ચાલતાં વહિવટદાર શાસનનો અંત આવ્યો છે.