Surat Corporation : સ્માર્ટ સિટી સુરતમાં પાલિકાના કેટલાક વિભાગોની નબળી કામગીરીના કારણે પ્રજાને હાલાકી થઈ રહી છે. સુરત પાલિકાના સેન્ટ્રલ ઝોન વિસ્તારમાં પાલિકાની શાળા નજીક પાણી-ડ્રેનેજની કામગીરી માટે દોઢ મહિના કરતાં વધુ સમયથી ખાડો ખોદવામાં આવ્યો છે. પરંતુ નથી ઝડપથી કામગીરી પૂર્ણ કરાતી કે નથી ખાડો પુરવામા આવતો. જેના કારણે શાળામાં આવતા વિદ્યાર્થીઓ માટે આ ખાડો જોખમી બન્યો છે. આ ખાડાના કારણે લોકો ભારે હાલાકી પડે છે, ટ્રાફિક જામની સમસ્યાસર્જાવાની સાથે અકસ્માતની ભીતિ રહેલી છે. લોકો રોષ ઠાલવી રહ્યા છે કે કોઈ દુર્ઘટના સર્જાયા બાદ જ પાલિકાની ઉંઘ ઉડશે?.