સ્ટાફ સાથે ગેરવર્તણુક કરી વાહનો લઈ નાસી ગયેલા ૧૩ શખ્સ સામે ગુનો દાખલ થયેલો
જો જામીન આપવામાં આવે તો સમાજમાં ખોટો મેસેજ જશે : સરકારી વકીલ
ભાવનગર: ગારિયાધાર તાલુકાના ગુજરડા ગામની સીમમાં આવેલી શેત્રુંજી નદીના પટમાંથી હોડી મારફત ગેરકાયદે સાદી રેતીની ચોરી કરવાના કેસમાં ૧૩ પૈકીના ૬ શખ્સે ભાવનગર કોર્ટમાં આગોતરા જામીન માટે અરજી કરતા કોર્ટે ઘટનાની ગંભીરતાને ધ્યાને લઈ તમામ શખ્સના આગોતરા નામંજૂર કર્યા હતા.
જાણવા મળ્યા મુજબ ગારિયાધારના ગુજરડા ગામની હદમાં આવતી શેત્રુંજી નદીના પટ વિસ્તારમાં ગત તા.૨૭-૧૦ના રોજ બોટાદ અને ભાવનગર ભુસ્તરશાસ્ત્રીની કચેરીની ટીમે દરોડો પાડી તપાસ કરતા શેત્રુંજી નદીમાંથી બે યાંત્રિક બોટ/નાવડી અને બે મોટી ફાઈબર બોટ વડે સાદીરેતી ખનીજનું ખનન કરી જેસીબીથી ટ્રકોમાં રેતી ભરવામાં આવી રહી હતી.