– હાઈ-વે પર રેલવે ફાટકના કારણે માનવ કલાકો, ઈંધણનો વ્યય થતો હતો : હવે બચત થશે
– બ્રિજનું કામ પાંચેક વર્ષથી ટેકનિકલ કારણોસર વિલંબિત હતું : બ્રિજ શરૂ થતાં અમદાવાદ, સુરતથી સાળંગપુર-સૌરાષ્ટ્રને જોડતાં યાત્રિકો-ઉદ્યોગકારોને ટ્રાફિક સમસ્યામાંથી રાહત મળશે
ભાવનગર : અમદાવાદથી ભાવનગર, અમરેલી, બોટાદ સહિત સૌરાષ્ટ્રમાં અવર-જવર કરતાં વાહનચાલકો માટે વર્ષોથી માથાના દુઃખાવા સમાન બનેલાં ધંધુકા રેલવે ઓવરબ્રિજનું આશરે પાંચેક વર્ષે કામ પૂર્ણ થતાં આજે લોકાર્પણ કરવામાં આવ્યું હતું. ૬૪ કરોડના ખર્ચે બનેલાં એક કિમી લાંબા આ બ્રિજના કારણે અમદાવાદ શહેર-જિલ્લા સહિત સૌરાષ્ટ્રથી સુરત અને સુરતથી સૌરાષ્ટ્ર જતા યાત્રિકો તથા ઉદ્યોગકારો માટે આ રેલવે ઓવરબ્રિજ આશીર્વાદરૂપ સાબિત થશે.
રાજયના આરોગ્ય મંત્રી અને અમદાવાદ જિલ્લાના પ્રભારીના હસ્તે લોકાર્પિત થયેલાં આ ઓવરબ્રિજનું કામ અંદાજે પાંચેક વર્ષ ચાલ્યું હતું.