બુધવારે શેરબજારમાં શરૂઆત થતા ઘટાડો જોવા મળ્યો હતો. જો કે બાદમાં સેન્સેક્સ અને નિફ્ટી બંને લીલા નિશાનમાં ટ્રેડ કરતા જોવા મળ્યા હતા. ત્યારે હવે બપોરે 3.30 કલાકે ક્લોઝિંગ દરમિયાન માર્કેટમાં તેજી જોવા મળી રહી છે. સેન્સેક્સ અને નિફ્ટી બંને લીલા નિશાનમાં બંધ થયા છે. સેન્સેક્સ 230 પોઇન્ટ સાથે 80,234 અંક પર બંધ થયો જ્યારે નિફ્ટી 82.20 પોઇન્ટ સાથે 24,276 અંક પર બંધ થયો છે.
અદાણી ગ્રૂપના શેરમાં તીવ્ર વધારો અને તાજા વિદેશી ભંડોળના પ્રવાહને કારણે બુધવારે મુખ્ય શેર સૂચકાંકો સેન્સેક્સ અને નિફ્ટીમાં વધારો થયો હતો.. બુધવારે યુએસ ડોલર સામે રૂપિયો 15 પૈસા (પ્રોવિઝનલ) ઘટીને 84.44 પર બંધ થયો હતો.
સેન્સેક્સના 30 શેરોમાં અદાણી પોર્ટ્સ 6 ટકા વધ્યો હતો. એનટીપીસી, એચડીએફસી બેન્ક, બજાજ ફાઇનાન્સ, મારુતિ અને એક્સિસ બેન્ક પણ લાભાર્થીઓમાં હતા. તેનાથી વિપરીત, ટાઈટન, સ્ટેટ બેંક ઓફ ઈન્ડિયા, એશિયન પેઈન્ટ્સ, ટાટા કન્સલ્ટન્સી સર્વિસ, એચસીએલ ટેક, સન ફાર્મા, ઈન્ડસઈન્ડ બેંક અને આઈસીઆઈસીઆઈ બેંક પાછળ હતા.