ભાવનગરમાંથી ભારતીય ચલણની ડુપ્લીકેટ નોટ મળવાનો સિલસીલો યથાવત
બિનવારસી હાલતે મળેલાં જથ્થાને લઈ આઇજી,એસપી સહિતના પોલીસ અધિકારીઓના સ્થળ પર ધામા ઃ કોમ્પલેક્ષમાં સર્ચ હાથ ધરાયું
ભાવનગર: ભાવનગર શહેરના હજૂરપાયગા રોડ પર આવેલા રોયલ કોમ્પલેક્ષનાં બેઝમેન્ટમાં પડેલા કચરાના ઢગલામાં ૫૦૦નાં દરની નકલી નોટ કોઈ દ્વારા ફેંકી ગયા હોવાની જાણકારી પોલીસને મળતા ઉચ્ચ પોલીસ અધિકારીઓ સહિતનો મસમોટો પોલીસ સ્ટાફ સ્થળ પર દોડી આવ્યો હતો.અને કચરાના ઢગલામાં પડેલી ૫૦૦નાં દરની ડુપ્લીકેટ નોટ કબજે લીધી હતી.જયારે, બનાવની ગંભીરતાને લઈ સમગ્ર કોમ્પલેક્ષમાં સર્ચ અપરેશન હાથ ધર્યું છે.બીજા તરફ, તાજેતરમાં શહેરમાંથી ડુપ્લીકેટ નોટ મળવાના અને ભાવનગરના શખ્સની તેમાં સંડોવણી ખુલ્યા બાદ વધુ એક વખત આટલી મોટી સંખ્યામાં ડુપ્લીકેટ નોટ મળવાનો સિલસીલો યથાલત રહેતાં શહેરભારમાં ખળભળાટ મચી જવા પામ્યો છે.