સમયસર શાળાએ ન જવા બદલ શાળાઓમાં સજા આપવામાં આવે છે. કેટલીકવાર તો સજામાં શાળાના મેદાનમાં દોડાવવામાં આવે છે, તો કેટલીકવાર તેમને વર્ગની બહાર ઊભા કરવામાં આવે છે, પરંતુ આંધ્રપ્રદેશના અલ્લુરી સીતારામ રાજુ જિલ્લામાં એક શાળાના આચાર્યએ જ્યારે વિદ્યાર્થિનીઓ મોડી આવી ત્યારે સૌપ્રથમ તેમને તડકામાં ઉભી કરી. પછી તેમને માર માર્યો અને પછી તેમના વાળ કાપી નાખ્યા.
આંધ્રપ્રદેશના અલ્લુરી સીતારામ રાજુ જિલ્લામાં એક શાળાના આચાર્યએ સવારની પ્રાર્થના સભા માટે સમયસર ન આવવા માટે વિદ્યાર્થીનીઓને આવી સજા આપી હતી, જેના કારણે વિવાદ થયો હતો. પ્રિન્સિપાલે મોડા આવવાની સજા તરીકે વિદ્યાર્થીનીઓના વાળ કાપી નાખ્યા. આ મામલો મદુગુલાના કસ્તુરબા બાલિકા વિદ્યાલય (કેજીબીવી)માંથી પ્રકાશમાં આવ્યો છે, જ્યાં વિદ્યાર્થીનીઓએ કહ્યું કે શુક્રવાર, 15 નવેમ્બર, કાર્તિક પૂર્ણિમાના તહેવારના દિવસે, તે પાણી મોડું આવતા શાળાએ પહોંચવામાં મોડું થયું હતું, ત્યારબાદ પ્રિન્સિપાલે તેમના વાળ કાપી નાખ્યા.
એક વિદ્યાર્થીનીએ જણાવ્યું કે પ્રિન્સિપાલ મોડા સ્કૂલે જવાથી અને પ્રાર્થનામાં હાજર ન રહેવાને કારણે ગુસ્સે થઈ ગયા. જ્યારે પ્રિન્સિપાલ સાંઈ પ્રસન્નાએ જોયું કે તમામ 23 વિદ્યાર્થિનીઓ આવી નથી ત્યારે તેમણે નારાજગી વ્યક્ત કરી હતી. આ પછી, તેમણે મોડા આવતા વિદ્યાર્થીનીઓને શાળા પરિસરમાં 2 કલાક તડકામાં ઉભા કર્યા. આ દરમિયાન એક વિદ્યાર્થીની નીચે પડી ગઈ હતી. એવો પણ આરોપ છે કે પ્રિન્સિપાલે ચાર વિદ્યાર્થીનીઓને માર માર્યો હતો.
18 વિદ્યાર્થીનીઓના વાળ કપાયા
આ પછી, લંચ બ્રેક દરમિયાન, પ્રિન્સિપાલે 23માંથી 18 છોકરીઓના વાળ કાપી નાખ્યા. એક વિદ્યાર્થીનીએ જણાવ્યું કે તેણે પોતાના વાળ ન કાપવા માટે વિનંતી કરી પરંતુ પ્રિન્સિપાલને દયા ન આવી, ત્યારબાદ વિદ્યાર્થીઓએ આખી વાત તેમના પરિવારના સભ્યોને જણાવી. જ્યારે કેજીબીવીના પ્રિન્સિપાલ સાઈ પ્રસન્નાને વિદ્યાર્થિનીઓના વાળ કાપવા વિશે પૂછવામાં આવ્યું ત્યારે તેમણે કહ્યું કે 15 નવેમ્બરના રોજ વિદ્યાર્થીનીઓ પ્રાર્થના અને ક્લાસમાં આવી ન હતી.