દીપિકા પાદુકોણ અને રણવીર સિંહ સપ્ટેમ્બર મહિનામાં એક પુત્રીના માતા-પિતા બન્યા હતા. આ કપલ પોતાની દીકરી સાથે ક્વોલિટી ટાઈમ વિતાવી રહ્યું છે. દંપતીએ હજુ સુધી તેમની પુત્રીનું નામ જાહેર કર્યું નથી. ડિલિવરી બાદ દીપિકા એક વખત પણ ફેન્સની વચ્ચે જોવા મળી નથી. આ દરમિયાન માહિતી આવી રહી છે કે ટૂંક સમયમાં જ અભિનેત્રી બધાની સામે જોવા મળશે. દીપિકા પાદુકોણની આગામી ફિલ્મ ‘સિંઘમ અગેન’નું ટ્રેલર લોન્ચ થવાનું છે. આ ઈવેન્ટમાં ફિલ્મની કાસ્ટ જોવા મળશે. આ ઈવેન્ટમાં દીપિકા પણ જોવા મળી શકે છે.
ફિલ્મ ‘સિંઘમ અગેન’નું ટ્રેલર લોન્ચ થયું
મીડિયા રિપોર્ટ્સ અનુસાર, ફિલ્મ ‘સિઘમ અગેન’નું ટ્રેલર NMACC મુંબઈમાં લોન્ચ થવા જઈ રહ્યું છે. લગભગ 2000 લોકો ફિલ્મના ટ્રેલર લોંચમાં હાજરી આપવાના છે જેમાં ચાહકો તેમજ મીડિયાના લોકો પણ સામેલ થશે. અજય દેવગન, અક્ષય કુમાર, રણવીર સિંહ, કરીના કપૂર, દીપિકા પાદુકોણ અને ટાઈગર શ્રોફના ફેન્સને આ ઈવેન્ટમાં આમંત્રણ આપવામાં આવ્યું છે. ફિલ્મ ‘સિંઘમ અગેન’નું ટ્રેલર 7 ઓક્ટોબર 2024ના રોજ લોન્ચ થશે.
ડિલિવરી બાદ દીપિકા પહેલીવાર જોવા મળશે
ફિલ્મ ‘સિંઘન અગેન’ના ટ્રેલર લોન્ચ ઈવેન્ટમાં તમામ કાસ્ટ મેમ્બર્સ હાજરી આપવા જઈ રહ્યા છે. તેથી એવી અપેક્ષા રાખવામાં આવે છે કે દીપિકા પાદુકોણ તેની આગામી ફિલ્મના ટ્રેલર લોન્ચ ઇવેન્ટમાં પણ જોવા મળી શકે છે. દીપિકા પાદુકોણ કે તેની ટીમ દ્વારા હજુ સુધી આ વાતની પુષ્ટિ કરવામાં આવી નથી. જો આ ઇવેન્ટમાં દીપિકા પાદુકોણ જોવા મળે છે તો તે તેના ચાહકો માટે અભિનેત્રી તરફથી એક ટ્રીટ સમાન હશે. કારણ કે દીપિકા પાદુકોણની ડિલિવરી બાદથી ફેન્સ તેને મળવા માટે બેતાબ છે. તેના ચાહકો અભિનેત્રીને મળવાની આતુરતાથી રાહ જોઈ રહ્યા છે.
રણવીરે પિતા બનવાની ખુશી વ્યક્ત કરી
દીપિકા પાદુકોણ અને રણવીર સિંહ 8 સપ્ટેમ્બરના રોજ માતા-પિતા બન્યા હતા. આ કપલે હજુ સુધી ફેન્સને પોતાની દીકરીની ઝલક દેખાડી નથી. માતા-પિતા બન્યા બાદ દીપિકા પાદુકોણ તેની પુત્રી સાથે ક્વોલિટી ટાઈમ વિતાવી રહી છે. અભિનેત્રી એક વખત પણ તેના ચાહકોને મળી નથી. જો વાત કરીએ તો રણવીર સિંહ ઓલિમ્પિક 2024ના સન્માનમાં અંબાણીએ આપેલી પાર્ટીમાં જોવા મળ્યો હતો. આ પાર્ટીમાં અભિનેતા ખૂબ જ ખુશ દેખાતા હતા. અભિનેતાએ બધાની સામે એમ પણ કહ્યું હતું કે, હું પિતા બની ગયો છું.