પૂર્વ મિસ વર્લ્ડ ઐશ્વર્યા રાય અને બચ્ચન પરિવાર વચ્ચે ખટરાગ હોવાના અહેવાલ છે. છેલ્લા કેટલાક સમયથી સમાચાર આવી રહ્યા છે કે, બચ્ચન પરિવારથી અલગ થઈને ઐશ્વર્યા રાય પોતાના પિયરમાં રહે છે. એવા અહેવાલો છે કે ઐશ્વર્યા રાય અને અભિષેક બચ્ચન વચ્ચેના સંબંધોમાં ખટાશ આવી ગઈ છે. આ કપલના લગ્નજીવનમાં કંઈ પણ સારૂં નથી ચાલી રહ્યું.
અમિતાભ બચ્ચન કરે છે ઐશ્વર્યા રાયની અવગણના?
જો લોકોનું માનીએ તો, અમિતાભ બચ્ચન ઘણીવાર તેમની પુત્રી શ્વેતા બચ્ચન, પુત્ર અભિષેક બચ્ચન અને પૌત્રી નવ્યા નવેલી નંદા વિશે પણ પોસ્ટ શેર કરે છે. તેઓ જાણી જોઈને ઐશ્વર્યા રાય બચ્ચન અથવા આરાધ્યા બચ્ચન અંગે કોઈપણ પોસ્ટ કરતા નથી. અમિતાભ બચ્ચન દરરોજ પોતાના ફેન્સ સાથે કોઈને કોઈ માહિતી શેર કરતા રહે છે ત્યારે હવે ઐશ્વર્યા રાયની અવગણના કરતા હોય એવું સતત લાગી રહ્યું છે.
કારણ કે પહેલા અમિતાભ બચ્ચન પોતાની પુત્રવધુની હંમેશા પ્રશંસા કરતા અને તેની કોઈ પણ સિદ્ધિની ઝલક શેર કરતા હતા. હાલમાં જ એશ્વર્યાએ એવોર્ડ જીત્યો છતાં પણ કોઈ પોસ્ટ કે ઐશ્વર્યા રાયની પ્રશંસા નહોતી કરી તેથી સતત અફવાઓને વેગ મળી રહ્યો છે.
સિમી ગ્રેવાલની આ ટિપ્પણીએ અફવાઓનું બજાર ગરમ કર્યું
અમિતાભ બચ્ચન પર ઐશ્વર્યા રાયને અવગણના કરવાનો આરોપ લાગ્યો છે. કારણ કે અભિનેત્રી સિમી ગ્રેવાલનું ચોંકાવનારું નિવેદન સામે આવતા જ સોશિયલ મીડિયા પર ફરી ચર્ચા થવા લાગી છે. સિમી ગ્રેવાલે અમિતાભ બચ્ચનનો બચાવ કર્યો અને કહ્યું હતું કે, તમે લોકો કંઈ નથી જાણતા. તે બધું બંધ કરો. સિમી ગ્રેવાલની આ ટિપ્પણીએ અફવાઓનું બજાર ગરમ કરી દીધું છે.
ઐશ્વર્યા રાયે લગ્નની વીંટી કાઢી
તે જ સમયે, ઐશ્વર્યા રાયે લોકોને હાવભાવ દ્વારા કહ્યું છે કે તેની અને અભિષેક બચ્ચન વચ્ચે બધું બરાબર છે. હકીકતમાં ઐશ્વર્યા હાલમાં તેના લગ્નની વીંટી વિના જોવા મળી હતી જેણે અફવાઓને વધુ વેગ આપ્યો હતો. પરંતુ એવું લાગે છે કે તેણી આ અફવાને શાંત પાડવા માટે તૈયાર છે કારણ કે તેણી ફેશન વીક દરમિયાન તેણીની પુત્રી આરાધ્યા સાથે પેરિસમાં ફરી એક વાર તેણીના લગ્નની વીંટી પહેરીને બહાર નીકળી હતી.
ઐશ્વર્યા રાય-અભિષેક બચ્ચને વર્ષ 2007માં લગ્ન કર્યા
ઐશ્વર્યા રાય અને અભિષેક બચ્ચનના લગ્ન 2007માં થયા હતા ત્યારબાદ અભિનેત્રી બચ્ચન પરિવારની વહુ બની હતી. તેઓને આરાધ્યા બચ્ચન નામની પુત્રી છે. છેલ્લા કેટલાક સમયથી ઐશ્વર્યા રાય તેની પુત્રી આરાધ્યા સાથે જોવા મળી રહી છે જેના કારણે એવી અફવા ફેલાઈ છે કે ઐશ્વર્યા રાય અને અભિષેક બચ્ચન છૂટાછેડા લેવા જઈ રહ્યા છે. જોકે, ઐશ્વર્યા કે અભિષેકે આ અંગે કોઈ ટિપ્પણી કરી નથી અને ન તો બચ્ચન પરિવારે કોઈ સત્તાવાર નિવેદન આપ્યું છે.