વડોદરા, તા.28 વડોદરા નજીક ખાનપુરના એક ફાર્મમાં લગ્નપ્રસંગમાં સુરતથી આવેલા વેપારીની કારનો કાચ તોડી અંદરથી સોનાના દાગીના, રોકડ તેમજ કપડાં ભરેલા છ થેલાની ચોરી થઇ હતી.
સુરતમાં મોટા વરાછા વિસ્તારમાં આવેલી શાંતિ નિકેતન સોસાયટીમાં રહેતા કપિલ પ્રાગજીભાઇ કસવાળાએ તાલુકા પોલીસ સ્ટેશનમાં નોધાવેલી ફરિયાદમાં જણાવ્યું છે કે હું ઇલેક્ટ્રોનિક ઇન્સ્ટ્રૂમેન્ટ મેન્યુફેક્ચરિંગનો ધંધો કરું છું. મારા કુંટુંબી કાકાના દીકરા ભાવેશ મધુભાઇ કસવાળાની બે દીકરીના લગ્ન હોવાથી હું મારી પત્ની ભારતી તેમજ અન્ય સંબંધીઓ કાર લઇને તા.૨૬ના રોજ બપોરે વડોદરા નજીક ખાનપુરમાં સાંઇ રુચી ફાર્મ ખાતે આવ્યા હતાં.