– શહેરની તુલનામાં ગ્રામ્ય વિસ્તારોના લોકોમાં જાગૃતિ વધુ, આઠ તાલુકામાં 40 થી 50 ટકા વચ્ચે કામગીરી પૂર્ણ
– જાગૃતિનો અભાવ : એનએફએસએ અને નોન એનએફએસ રેશનકાર્ડમાં માત્ર 38 ટકા જેટલી જ ઈ-કેવાયસી થયું
ભાવનગર : ભાવનગર જિલ્લામાં રેશનકાર્ડ લાભાર્થીઓ માટે ઈ-કેવાયસીની કામગીરી હાલ શરૂ છે. અત્યાર સુધીમાં જિલ્લામાં ૧૧ લાખ આસપાસ રેશનકાર્ડ ધારકોએ ઈ-કેવાયસી કરાવી નાંખ્યું છે. જ્યારે દોઢ ગણાંથી પણ વધુ સભ્યોએ જાગૃતિના અભાવે ઈ-કેવાયસી કરવામાં આળસ રાખી હોવાથી ઈ-કેવાયસીની કામગીરી માત્ર ૩૮ ટકા જેટલી જ થઈ છે. ત્યારે છેલ્લે-છેલ્લે ભાગદોડ કરવાના બદલે લોકોએ સમયસર પોતાનું અને પરિવારના તમામ સભ્યોનું ઈ-કેવાયસી કરાવી લેવી જરૂરી બન્યું છે.