World TB Day 2025: ટીબી એક લાંબી અને ગંભીર બીમારી છે, જે મુખ્યત્વે આપણા ફેફસાને અસર કરે છે. આ રોગ બેક્ટેરિયલ ચેપથી થાય છે, જેને માયકોબેક્ટેરિયમ ટ્યુબરક્યુલોસિસ કહેવામાં આવે છે. આ બેક્ટેરિયા સામાન્ય રીતે એવા લોકોના શરીરમાં ફેલાય છે જેમની રોગપ્રતિકારક શક્તિ નબળી હોય અથવા જેઓ અન્ય સ્વાસ્થ્ય સમસ્યાઓથી પીડાતા હોય. તેમજ ટીબીનો યોગ્ય ઈલાજ ન મળવાથી તે જીવલેણ પણ સાબિત થાય છે. આથી જ વિશ્વ ટીબીને સંપૂર્ણ રીતે નાબૂદ કરવા દર વર્ષે 24 માર્ચે ક્ષય રોગ દિવસ ઉજવે છે. ભારત વિશ્વના એવા દેશોમાં સામેલ છે જ્યાં ટીબીથી પીડિત દર્દીઓની સંખ્યા સૌથી વધુ છે.