યુઝર્સની સુરક્ષા અને પ્રાઈવસી માટે વોટ્સએપમાં માત્ર એક નહીં પરંતુ અનેક સિક્યોરિટી ફીચર્સ આપવામાં આવ્યા છે. એપમાં ઘણા બધા ફીચર્સ છે પરંતુ મોટાભાગના યુઝર્સ આ ફીચર્સ વિશે જાણતા પણ નથી, આજે વોટ્સએપમાં એક હીડન ફીચર વિશે જણાવીશું જેને દરેક વ્યક્તિએ ચાલુ રાખવું જોઈએ.
આ ફીચર યુઝર્સને મદદ કરે છે જ્યારે તેઓ વોટ્સએપ પર અજાણ્યા નંબરો પરથી વારંવાર મેસેજ મેળવવાનું શરૂ કરે છે. આ ફીચર શું છે અને તમે આ ફીચર કેવી રીતે ચાલુ કરી શકો છો?
આ WhatsApp ફીચર કયું છે?
વોટ્સએપના સેટિંગમાં છુપાયેલા આ ફીચરનું નામ બ્લોક અનનોન એકાઉન્ટ મેસેજ છે. કંપનીના ઓફિશિયલ પેજ પર આ ફીચર વિશે આપવામાં આવેલી માહિતી મુજબ અજાણ્યા નંબર પરથી એક કે બે મેસેજ આવે તો આ ફીચર કામ કરતું નથી. આ ફીચર ત્યારે કામ કરે છે જ્યારે તમે અજાણ્યા નંબર પરથી સતત મેસેજ મેળવતા હોવ.
આ ફીચરને આ રીતે કરો ઓન
આ સિક્યોરિટી ફીચરને ઓન કરવા માટે તમારે સૌથી પહેલા WhatsApp એપ ઓપન કરવી પડશે. એપ ઓપન કર્યા પછી, રાઈડ સાઈડમાં ત્રણ ડોટ્સ પર ટેપ કરો અને સેટિંગ્સ પર ક્લિક કરો. સેટિંગ્સ ખોલ્યા પછી, પ્રાઈવસી વિકલ્પ પર ટેપ કરો, પ્રાઈવસીમાં, જો તમે થોડું નીચે સ્ક્રોલ કરો છો, તો તમને એડવાન્સ વિકલ્પ દેખાશે. તમને આ ફીચર એડવાન્સ ઓપ્શનની ઉપર જોવા મળશે, અહીંથી તમે આ ફીચરને ઓન કરી શકો છો.
આ સુવિધા એપમાં ઉપલબ્ધ છે જેથી તમારું એકાઉન્ટ સુરક્ષિત રહે. આ ફીચરને ચાલુ કરવાનો અર્થ એ નથી કે અજાણ્યા નંબરો પરથી આવતા તમામ મેસેજ બ્લોક થઈ જશે, માત્ર તે જ મેસેજને બ્લોક કરવામાં આવશે જે સતત ઉચ્ચ વોલ્યુમમાં મોકલવામાં આવે છે.