રાજ્યમાં બોગસ ડોક્ટરોનો રાફ્ડો ફાટી નીકળ્યો હોય તેવુ લાગી રહ્યું છે. ત્યારે રાજકોટમાં વધુ એક બોગસ ડોક્ટર ઝડપાયો છે, શહેરમાં ક્લિનિક ખોલીને લોકોના આરોગ્ય સાથે ચેડાં કરતો બોગસ ડોક્ટર ઝડપાયો છે. ખોરાણાથી 12 પાસ બોગસ ડોક્ટર ઝડપાયો છે. આ બોગસ તબીબ હિરેન કાનાબારને SOGએ ઝડપી પાડ્યો છે.
12 પાસ બોગસ ડોક્ટર હિરેન કાનાબાર ઝડપાયો
તમને જણાવી દઈએ કે અગાઉ પણ આ 12 પાસ બોગસ ડોક્ટર હિરેન કાનાબાર ઝડપાયો હતો અને ફરીથી ક્લિનિક ખોલી લોકોના આરોગ્ય સાથે ચેડાં કરવાનું શરૂ કર્યુ હતું, ત્યારે SOGની ટીમે આ બોગસ ડોક્ટરને ઝડપી પાડીને વધુ કાર્યવાહી શરૂ કરી છે. તમને જણાવી દઈએ કે ગઈકાલે તાપી જિલ્લા SOGએ ડોલવણના ઘાણી ગામેથી બોગસ ડોક્ટરને પકડી પાડ્યો હતો. બાતમીના આધારે સોમનાથ પટેલ નામના ડોક્ટરને પકડી પાડ્યો હતો.
ગઈકાલે તાપી જિલ્લામાંથી પણ બોગસ ડોક્ટર ઝડપાયો હતો
ઉલ્લેખનીય છે કે ઘાણી ગામે ડુગરી ફળિયામાં ભાડેથી મકાન રાખીને બીમાર લોકોને એલોપેથિક દવા આપી સારવાર કરતો હતો. જિલ્લા SOGએ એલોપેથિક દવાઓ તથા મેડિકલને લગતા સામાનનો જથ્થો મળીને કુલ 2,792નો મુદ્દામાલ કબજે કર્યો હતો. આ મામલે તાપી જિલ્લા એસઓજીએ BNS કલમ 125 તેમજ ગુજરાત મેડિકલ પ્રેક્ટીશનરની કલમ 30 મુજબનો ગુનો નોંધી વધુ તપાસ હાથ ધરી છે.