હાલમાં જ સમાંથા અને વરુણના રેપિડ ફાયરનો એક વીડિયો સોશિયલ મીડિયા પર વાયરલ થઈ રહ્યો છે. આ રેપિડ ફાયરમાં બંને એકબીજાને રસપ્રદ પ્રશ્નો પૂછતા જોવા મળે છે. આ સવાલ-જવાબની રમતમાં બંનેએ ઘણી બાબતોનો ખુલાસો કર્યો છે.
વરુણ ધવન અને સમાંથા રૂથ પ્રભુ અભિનીત ફિલ્મ ‘સિટાડેલ: હની બન્ની’ 6 નવેમ્બરના રોજ રિલીઝ થઈ હતી. આ સિરીઝમાં બંને સ્ટાર્સની એક્ટિંગના ખૂબ વખાણ થયા હતા. હાલમાં, આ શ્રેણી ખૂબ જ ટ્રેન્ડ કરી રહી છે અને હવે ચાહકો તેની આગામી સિઝનની પણ માગ કરી રહ્યા છે. સિરીઝમાં વરુણ ધવન અને સમાંથાની જોડીને લોકોએ ખૂબ પસંદ કરી છે. હાલમાં જ એમેઝોન પ્રાઇમ વીડિયોએ બંને સ્ટાર્સનો એક ફની વીડિયો શેર કર્યો છે, જે લોકોનો ફેવરિટ બની રહ્યો છે.
હાલમાં જ શેર કરાયેલા વીડિયોમાં વરુણ ધવન અને સમાંથા એકસાથે રેપિડ ફાયર કરતા જોવા મળી રહ્યા છે. સમાંથાએ આ ગેમને સ્પાઈસી રેપિડ નામ આપ્યું છે. વીડિયોમાં, સમાંથા વરુણને રસપ્રદ પ્રશ્નો પૂછતી જોવા મળે છે, તેણે વરુણને તેના કો-સ્ટાર વિશે પૂછ્યું. સમાંથાએ એક્ટરને પૂછ્યું કે શું તે તેના કો-સ્ટારને ચેક-આઉટ કરે છે, જેના પર તે પોતે હસ્યો અને કહ્યું ઘણી વખત. સમાંથાનો જવાબ સાંભળીને વરુણ હસવા લાગ્યો.
એક્સ પર પૈસા ખર્ચવા યૂઝલેસ
રમતના એક રાઉન્ડ પછી વરુણે સમાંથાને પૂછ્યું કે એવી કઈ વસ્તુ છે જેના પર તમે સૌથી વધુ પૈસા ખર્ચ્યા અને જે નકામી છે. આ સવાલના જવાબમાં અભિનેત્રીએ કહ્યું કે, તેના એક્સની મોંઘી ગિફ્ટ્સ પર, જોકે વરુણે તેની કિંમત જાણવાનો પ્રયાસ કર્યો હતો પરંતુ એક્ટ્રેસે સવાલ ટાળ્યો હતો.
એમેઝોન પ્રાઇમ પર સ્ટ્રીમિંગ
આ પ્રશ્નો સાથે, બંનેએ આ મસાલેદાર રેપિડ ફાયરમાં એકબીજાને ઘણા વધુ પ્રશ્નો પૂછ્યા, ‘સિટાડેલ: હની બન્ની’, કેકે મેનન, સિમરન, સાકિબ સલીમ, સિકંદર ખેર અને સોહમ જેવા મહાન કલાકારો સાથે સમાંથા અને વરુણ અને મજમુદારનો પણ સમાવેશ થાય છે. આ શ્રેણી એમેઝોન પ્રાઇમ પર સ્ટ્રીમ થઈ રહી છે.