RERA Tribunal Web Portal Launched : કેન્દ્ર સરકારે રિયલ એસ્ટેટ સેક્ટરના નિયમન માટે ‘ધી રિયલ એસ્ટેટ રેગ્યુલેશન ઍન્ડ ડૅવલપમેન્ટ ઍક્ટ’ ઘડ્યો છે. જેની જોગવાઈઓ મુજબ રાજ્ય સરકારે રેરા ટ્રિબ્યુનલની સ્થાપના કરી છે, ત્યારે રેરા ટ્રિબ્યુનલની વિવિધ કાર્યવાહીને ઓનલાઇન અને સરળ બનાવતાં યુઝર ફ્રેન્ડલી વેબપોર્ટલનું ગાંધીનગર ખાતે લોન્ચિંગ કરવામાં આવ્યું હતું. આ પ્રસંગે ટ્રિબ્યુનલના ચેરમેન નિવૃત્ત ચીફ જસ્ટિસ ઉપસ્થિતિ રહ્યા હતા. વેબસાઇટ લોન્ચ થતાં હવે હાલ જે સંબંધિત પક્ષકારો દ્વારા રેરા ટ્રિબ્યુનલમાં રૂબરૂ આવીને અપીલ કાર્યવાહી સકરવામાં આવે છે, તેમાંથી મુક્તિ મળશે. આમ હવે વેબ પોર્ટલ લોન્ચ થતાં રેરા-ટ્રિબ્યુનલની કામગીરી હવે ઘરબેઠા ઉપલબ્ધ થશે.