ભારતની અગ્રણી પેમેન્ટ અને નાણાકીય સેવાઓ પ્રદાતા કંપની પેટીએમ તેના વપરાશકર્તાઓ માટે એઆઈ ટેકનોલોજી સાથે એક નવી સુવિધા લોન્ચ કરવા જઈ રહી છે.
મળતી માહિતી મુજબ, ભારતની અગ્રણી પેમેન્ટ અને નાણાકીય સેવાઓ પ્રદાતા કંપની પેટીએમ તેના વપરાશકર્તાઓ માટે એઆઈ ટેકનોલોજી સાથે એક નવી સુવિધા લોન્ચ કરવા જઈ રહી છે. આ માટે, ફિનટેક જાયન્ટ પેટીએમ એ AI સર્ચ એન્જિન પરપ્લેક્સિટી (Perplexity)સાથે ભાગીદારી કરી છે.
Paytm માહિતી આપી
એક્સચેન્જ ફાઇલિંગમાં આ ભાગીદારી વિશે માહિતી આપતાં, પેટીએમએ જણાવ્યું હતું કે આ સહયોગનો ઉદ્દેશ્ય મોબાઇલ પેમેન્ટમાં ડિજિટલ સાક્ષરતા વધારવાનો તેમજ AI-સંચાલિત બુદ્ધિમત્તાનો સમાવેશ કરવાનો છે. જેથી વપરાશકર્તાઓને તેમના પ્રશ્નોના જવાબ સરળતાથી મળી શકે.
એપમાં AI સંચાલિત સર્ચ બાર ઉમેરવામાં આવશે
પરપ્લેક્સિટી સાથે ભાગીદારી કર્યા પછી, હવે પેટીએમની એપમાં એઆઈ સંચાલિત સર્ચ બાર ઉમેરવામાં આવી રહ્યો છે.
આ AI સંચાલિત સર્ચ બારનો ઉપયોગ કેવી રીતે થશે?
વપરાશકર્તાઓ તેમના નાણાકીય પ્રશ્નો પૂછવા માટે AIની મદદથી બનાવેલ સર્ચ બારનો ઉપયોગ કરી શકે છે. જેમાં વપરાશકર્તાઓ પ્રશ્નો પૂછી શકશે અને તે પછી તેમના માટે નાણાકીય નિર્ણયો લેવાનું સરળ બનશે. વપરાશકર્તાઓને તેમના પ્રશ્નોના જવાબો તેમની સ્થાનિક ભાષામાં આપવામાં આવશે.
વપરાશકર્તાઓ માટે કામ સરળ બનશે
આ ભાગીદારી અંગે, પેટીએમના સ્થાપક અને સીઈઓ વિજય શેખર શર્માએ જણાવ્યું હતું કે એઆઈ લગભગ દરેક ક્ષેત્રમાં પહોંચી ગયું છે. આના દ્વારા, લોકો સુધી માહિતીની પહોંચની સાથે, તેમની નિર્ણય લેવાની રીત પણ બદલાઈ રહી છે. આ નવી ભાગીદારી સાથે, અમે લાખો ભારતીય વપરાશકર્તાઓ સુધી AI ની શક્તિ પહોંચાડવાનો પ્રયાસ કરી રહ્યા છીએ, જેથી તેઓ તેમના જ્ઞાનમાં વધારો કરી શકે અને નાણાકીય સેવાઓ સરળતાથી મેળવી શકે.
આ ભાગીદારી અંગે પરપ્લેક્સિટીના ભારતીય મૂળના સીઈઓ અને સહ-સ્થાપક અરવિંદ શ્રીનિવાસનું નિવેદન પણ બહાર આવ્યું છે. તેમણે કહ્યું કે અમે ભારતની મોબાઇલ પેમેન્ટ સિસ્ટમમાં અગ્રણી, Paytm સાથે ભાગીદારી કરવા માટે ખૂબ જ ઉત્સાહિત છીએ. અમારી AI ટેકનોલોજી દ્વારા, લોકો ફક્ત તેમના પ્રશ્નોના જવાબો જ નહીં મેળવી શકશે પણ નાણાકીય નિર્ણયો લેવામાં પણ મદદ મેળવી શકશે.
પરપ્લેક્સિટી (Perplexity) શું છે?
પર્પ્લેક્સિટી એ વિશ્વનું પહેલું સર્ચ એન્જિન છે જે વિશ્વસનીય સ્ત્રોતોમાંથી વાસ્તવિક સમયમાં ઝડપી, સ્પષ્ટ જવાબો પહોંચાડે છે.