આપણા શરીર માટે પાણી ખૂબ આવશ્યક છે. દરેક વ્યક્તિએ દિવસમાં ઓછામાં ઓછું આઠ થી દસ ગ્લાસ પાણી પીવું જરુરી છે. ખાસ કરીને ઉનાળાની ઋતુમાં શરીરને વધુ હાઇડ્રેશનની જરૂર હોય છે. પરંતુ શું તમે જાણો છો કે સામાન્ય પાણીને બદલે આલ્કલાઇન પાણી પીવું તમારા સ્વાસ્થ્ય માટે વધુ ફાયદાકારક હોઈ શકે છે? આલ્કલાઇન પાણીનું ઉચ્ચ pH સ્તર પાચનતંત્રને સુધારે છે, શરીરને ડિટોક્સિફાઇ કરે છે. જેનાથી સ્કીન અને વાળ તંદુરસ્ત રહે છે. આ ઉપરાંત, તે શરીરમાં એનર્જી પણ મેન્ટેન રાખે છે. તો આવો જાણીયે આલ્કલાઈ પાણી બનાવવાની રીત…
આલ્કલાઇન પાણી બનાવવાની રીત
1. ખાવાનો સોડા ઉમેરો: સૌપ્રથમ, એક લિટર પાણીમાં 1/2 ચમચી ખાવાનો સોડા ઉમેરો અને તેને પાણીમાં ઓગળી જાય તે રીતે મિક્સ કરો.
2. લીંબુનો રસ ઉમેરો: બેકિંગ સોડા ઓગળી જાય પછી, 1/2 ચમચી લીંબુનો રસ ઉમેરો. લીંબુનો રસ PH સ્તર વધારવામાં મદદ કરશે.
3. કાકડી અને ફુદીનો ઉમેરો: હવે, આ પાણીમાં કાકડીના થોડા નાના ટુકડા ઉમેરો અને 2-3 ફુદીનાના પાન પણ ઉમેરો. આ તમારા આલ્કલાઇન પાણીમાં તાજગી અને સ્વાદ ઉમેરશે.
4. આખી રાત રાખો: આ મિશ્રણને આખી રાત ઢાંકીને રાખો જેથી કાકડી, ફુદીનો અને લીંબુના પોષક તત્વો પાણીમાં સારી રીતે ભળી જાય.
તમારું આલ્કલાઇન પાણી તૈયાર છે! હવે તમે સવારે ઉઠીને તેને પી શકો છો અથવા દિવસભર તેના ઘણા ચુસકા લઈ શકો છો.
આલ્કલાઈન પાણી પીવાના ફાયદા –
આલ્કલાઇન પાણી તમને હાઇડ્રેટેડ તો રાખશે જ, પણ તમારા પાચન, ત્વચા અને વાળ માટે પણ અત્યંત ફાયદાકારક રહેશે. તમે તેને તમારા દિનચર્યામાં સામેલ કરો અને તેના સ્વાસ્થ્ય લાભોનો આનંદ માણો.