કોહલીએ બનાવી 73મી આંતરરાષ્ટ્રીય સદી, સચિનના આ રેકોર્ડની કરી બરાબરી

0

[ad_1]

  • 1 મહિનામાં વિરાટની બીજી સેન્ચ્યુરી
  • શ્રીલંકા સામે વિરાટ કોહલીની આ 9મી ODI સદી
  • કોહલીએ 80 બોલમાં બનાવી દીધી સદી

ટીમ ઈન્ડિયાના પૂર્વ કેપ્ટન વિરાટ કોહલી માટે વર્ષ 2023ની શાનદાર શરૂઆત થઈ છે. ગુવાહાટીમાં શ્રીલંકા સામેની પ્રથમ વનડેમાં વિરાટ કોહલીએ સદી ફટકારી છે. આ તેની ODI કારકિર્દીની 45મી સદી છે,  આ સાથે જ 73મી આંતરરાષ્ટ્રીય સદી છે. ઉલ્લેખનીય છે કે આજે વિરાટ કોહલીએ આ સદી 80 બોલમાં પૂરી કરી અને છેલ્લી ઓવર સુધી ક્રિઝ પર રહ્યો. વિરાટ કોહલીએ પોતાની ઈનિંગમાં કુલ 87 બોલમાં 113 રન બનાવ્યા. તેની ઇનિંગ્સમાં વિરાટે 12 ચોગ્ગા અને 1 છગ્ગો ફટકાર્યો હતો, તેણે લગભગ 130 ની સ્ટ્રાઇક રેટથી રન બનાવ્યા હતા. ખાસ વાત એ છે કે વિરાટે તેની છેલ્લી ઇનિંગમાં પણ એટલા જ રન બનાવ્યા હતા.

1 મહિનામાં વિરાટની બીજી સેન્ચ્યુરી

વનડેમાં વિરાટ કોહલીની આ સતત બીજી સદી છે. આ પહેલા 10 ડિસેમ્બરે વિરાટ કોહલીએ બાંગ્લાદેશ સામે 113 રનની ઇનિંગ રમી હતી, આ મેચમાં ઈશાન કિશને બેવડી સદી ફટકારી હતી. એટલે કે એક મહિનામાં જ વિરાટ કોહલીએ ODI ક્રિકેટમાં બે સદી ફટકારી છે. ટીમ ઈન્ડિયા ODI વર્લ્ડ કપ 2023ની તૈયારી કરી રહી છે અને તે સમયે વિરાટ કોહલીનું ફોર્મમાં આવવું એક શાનદાર સંકેત છે. વિરાટ કોહલીએ આ ઈનિંગ સાથે ઘણા રેકોર્ડ બનાવ્યા છે. શ્રીલંકા સામે વિરાટ કોહલીની આ 9મી ODI સદી છે, જ્યારે ભારતની ધરતી પર આ તેની 20મી સદી છે. આ સાથે તેણે સચિન તેંડુલકરના 20 સદીના રેકોર્ડની પણ બરાબરી કરી લીધી છે.

 

કોહલીની આંતરરાષ્ટ્રીય ક્રિકેટમાં કુલ 73 સદી થઈ

ગુવાહાટીમાં શ્રીલંકા સામેની પ્રથમ વનડેમાં વિરાટ કોહલીએ શાનદાર સદી ફટકારી છે. આ સાથે તેની આંતરરાષ્ટ્રીય ક્રિકેટમાં કુલ 73 સદી થઈ ગઈ છે. અગાઉ કોહલીએ આંતરરાષ્ટ્રીય ક્રિકેટમાં 72 સદી ફટકારી હતી અને પ્રથમ ODIમાં શ્રીલંકા (IND vs SL) સામેની શાનદાર સદી તેની કારકિર્દીની 73મી સદી છે. સાથે જ આ તેની ODI ક્રિકેટમાં 45મી સદી છે. આ સિવાય તેણે આંતરરાષ્ટ્રીય ક્રિકેટમાં સૌથી વધુ 100 સદી ફટકારનાર ભારતના સચિન તેંડુલકરના રેકોર્ડની પણ બરાબરી કરી લીધી છે. હકીકતમાં સચિન તેંડુલકરે ભારતની ધરતી પર 20 સદી ફટકારી છે, જ્યારે કોહલીએ ઘરઆંગણે 19 સદી ફટકારી છે અને શ્રીલંકા સામેની પ્રથમ વનડેમાં આ સદી ફટકારીને કોહલીએ તેના રેકોર્ડની બરાબરી કરી લીધી છે.

ODI ક્રિકેટમાં સૌથી વધુ સદી

  • સચિન તેંડુલકર – 463 મેચ, 49 સદી
  • વિરાટ કોહલી – 266 મેચ, 45 સદી
  • રિકી પોન્ટિંગ – 375 મેચ, 30 સદી
  • રોહિત શર્મા – 236 મેચ, 29 સદી
  • સનથ જયસૂર્યા – 445 મેચ, 28 સદી

વનડેમાં ભારત માટે સૌથી વધુ સદી

  • સચિન તેંડુલકર – 463 મેચ, 49 સદી
  • વિરાટ કોહલી – 266 મેચ, 45 સદી
  • રોહિત શર્મા – 236 મેચ, 29 સદી

આંતરરાષ્ટ્રીય ક્રિકેટમાં સૌથી વધુ સદી

  • સચિન તેંડુલકર – 664 મેચ, 100 સદી
  • વિરાટ કોહલી – 484 મેચ, 73 સદી
  • રિકી પોન્ટિંગ – 560 મેચ, 71 સદી



[ad_2]

Source link

Leave a Reply

Your email address will not be published. Required fields are marked *