બાળકીનો ગાલ કરડી ખાતા પ્લાસ્ટિક સર્જરી કરવાની નોબત

0

[ad_1]

  • વરાછા રોડની હંસ સોસાયટીના રહીશોમાં ફફડાટ
  • દોહિત્રીને બચાવવા આવેલી નાનીના પગે પણ બચકું ભર્યું
  • શ્વાનના નામ માત્રથી સ્થાનિક વિસ્તારના રહીશો ફફડી રહ્યા છે

શહેરમાં ડૉગ બાઈટના બનાવો વધી રહ્યા હોવાની ઊઠેલી ફરિયાદો વચ્ચે શનિવારે સાંજે વરાછા રોડની હંસ સોસાયટીમાં એક શ્વાસને મચાવેલા આતંકને પગલે ગભરાટ ફેલાયો છે. ઘર પાસે રમતી પાંચ વર્ષીય બાળકી પર તૂટી પડેલા રખડતા શ્વાને હાથ અને પગમાં બચકા ભરવા સાથે જમણી બાજુ આંખની નીચેના ભાગે અને ગાલ કરડી ખાધો હતો. શ્વાનની ચુંગાલમાંથી બચાવવા દોડેલી નાની પર પણ શ્વાને હુમલો કરતા ડાબા પગે બચકું ભરી લીધું હતું. માસૂમ બાળકીના ગાલ પર શ્વાસને ભરેલા બચકાને લીધે ગંભીર ઘા થયો હોય પ્લાસ્ટિક સર્જરી કરવાની નોબત આવતા તેણીને કતારગામ વિસ્તારની હોસ્પિટલમાં દાખલ કરવામાં આવી છે. આ ઘટના બાદ શ્વાનના નામ માત્રથી સ્થાનિક વિસ્તારના રહીશો ફફડી રહ્યા છે.

વરાછા રોડ સ્થિત હંસ સોસાયટીમાં પરિવાર સાથે રહેતી પાંચ વર્ષીય રાવી શર્મા (ઉં.વ. 5) સિનિયર નર્સરીમાં અભ્યાસ કરે છે. શનિવારે સાંજે રાવી ઘર પાસે રમી રહી હતી ત્યારે એક શ્વાન માસૂમ રાવી પાસે આવ્યો હતો અને તેણીને જમીન પર પાડી દઈ કરડવાનું શરૂ કર્યું હતું. જેમાં શ્વાને બાળકીના ડાબા હાથ અને પગ પર બચકાં ભરવા સાથે જમણી બાજુ આંખની નીચેના ભાગે અને ગાલ કરડી ખાધો હતો. રાવીની બુમરાણ સાંભળી તેણીની નાની મધુબેન ઘરની બહાર દોડી આવ્યા હતા અને રાવીને બચકાં ભરી રહેલા શ્વાનની ચુંગાલમાંથી બચાવી હતી. ત્યારે શ્વાન રાવીને છોડીને મધુબેનની પાછળ દોડયો હતો અને ડાબા પગે બચકું ભરી લીધું હતું.

શ્વાને કરડી ખાતા ફૂલ જેવી રાવીના ગાલ પર થયેલા ગંભીર ઘાને પગલે તેણીને તાત્કાલિક સારવાર હોસ્પિટલમાં ખસેડાઈ હતી. જ્યાં તબીબોએ ડૉગ બાઈટની વેક્સિન આપવા સાથે ટાંકા લાગી શકે તેમ નહીં હોવાથી ડ્રેસિંગ કરી પ્લાસ્ટિક સર્જરી કરવા માટે કહ્યું હતું.

[ad_2]

Source link

Leave a Reply

Your email address will not be published. Required fields are marked *