ISRO Successfully Undocks Satellites: ISRO દ્વારા સફળતાપૂર્વક અવકાશમાં સેટેલાઇટનું અનડોકિંગ કરવામાં આવ્યું છે. આ મિશનને સ્પેડેક્સ એટલે કે સ્પેસ ડોકિંગ એક્સપેરિમેન્ટ નામ આપવામાં આવ્યું હતું. આ મિશન અંતર્ગત બે સેટેલાઇટને અવકાશમાં મોકલવામાં આવ્યા હતા અને તેમને એકમેકથી અલગ કર્યા બાદ ફરીથી જોડવાની પ્રક્રિયા હાથ ધરવામાં આવી હતી. આ માટે એક સેટેલાઇટને SPX-01 અને બીજી સેટેલાઇટને SPX-02 નામ આપવામાં આવ્યું હતું. ભારત હવે અંતરિક્ષમાં પોતાનું સ્પેસ સ્ટેશન બનાવવા ઇચ્છે છે, તેથી તેમને ડોકિંગ અને અનડોકિંગ ટૅક્નોલૉજીનું પૂરતું જ્ઞાન હોવું જરૂરી છે. આ હેતુસર ISRO દ્વારા આ એક્સપરિમેન્ટ કરવામાં આવ્યું હતું, જે હવે સફળ રહ્યું છે.