વડોદરા તા.૧૩ વડોદરા નજીક કપુરાઇ સીમમાં આવેલી એક હોટલના કમ્પાઉન્ડમાં પ્રવેશતા એક કન્ટેનરમાંથી જિલ્લા પોલીસે દારૃનો મોટો જથ્થો ઝડપી પાડયો હતો. પોલીસે કન્ટેનરના ડ્રાઇવરની ધરપકડ કરી કુલ રૃા.૨૪.૩૨ લાખનો મુદ્દામાલ કબજે કરી વધુ તપાસ હાથ ધરવામાં આવી છે.
બંધબોડીની એક આઈશર ગાડીમાં દારૃનો જથ્થો ભરીને તે ગોધરા તરફથી હાલોલ થઇ વડોદરા આવેલ છે અને કપુરાઇ ગામની સીમમાં નશનલ હાઇવે નંબર ૪૮ ની બાજુમાં આવેલ મહાદેવ હોટલ ઉપર ડ્રાઇવર જમવા માટે રોકાનાર છે તેવી બાતમીના આધારે જિલ્લા એલસીબીએ વોચ ગોઠવી હતી.